“Intel”in çipsetlərində aradan qaldırılması mümkün olmayan boşluq aşkar edilib

“Intel”in çipsetlərində aradan qaldırılması mümkün olmayan boşluq aşkar edilib
06 Mar 2020 12:53

"Positive Technologies" şirkəti "Intel" korporasiyasının istehsalı olan çipsetlərdə aradan qaldırılması mümkün olmayan boşluq aşkar edib.

 

Realpress.az "lenta.ru" saytına istinadən yazır ki, bədniyyətli şəxslər "CVE-2019-0090" boşluğundan istifadə edərək kompüterin şifrləmə açarlarına müdaxilə edə bilərlər. Hakerlər platformanın kök açarına (chipset key), qurğudakı şifrlənmiş məlumatlara giriş əldə etmək və öz kompüterini qurbanın kompüteri kimi göstərmək imkanına malikdirlər. Bu halda cinayətkarlar bank əməliyyatlarının təhlükəsizliyinin təmini üçün istifadə edilən "Enhanced Privacy ID" alqoritminə müdaxilə etmiş olurlar.

 

Aradan qaldırılması mümkün olmayan boşluq, həmçinin informasiyanın qorunması üçün geniş yayılmış texnologiyalara (məsələn, məzmunun qeyri-qanuni köçürülməsi) müdaxilə məqsədilə istifadə oluna bilər. "Positive Technologies" şirkətinin mütəxəssisi Mark Yermolov deyib ki, açarın əldə edilməsi üçün kifayət qədər senarilər mövcuddur. "Təşkilata xidmət göstərən mütəxəssis və ya şirkətinizin əməkdaşı açara giriş əldə edə bilər" – Yermolov deyib.

 

Mütəxəssislər bildiriblər ki, sözügedən boşluq son 5 ildə "Intel" tərəfindən çıxarılmış əksər çipsetlərdə mövcuddur.

 

"Intel" şirkətinin rəsmiləri bu problemə reaksiya verərək istifadəçilərə proqram təminatını vaxtında yeniləməyi tövsiyə ediblər.


19 Mar 2020
İT

İlk ikiekranlı televizor nümayiş olunub

“Hisense” şirkəti iki ekrana və “8K” təsvir ölçüsünə malik dünyanın ilk televizorunu təqdim edib.

19 Mar 2020
İT

2020-ci ildə 200 dollara “5G” smartfon satın almaq mümkün olacaq

2020-ci ilin sonunadək smartfonlar bazarında təxminən 214 dollar məbləğində “5G” şəbəkələrini dəstəkləyən qurğular əlçatan olacaq. 

18 Mar 2020
İT

“OPPO” şirkəti “Reno3” smartfonunun “4G” versiyasını təqdim edib

"OPPO" şirkəti "Reno3" smartfonunun təqdim edilməsindən üç ay sonra qurğunun LTE modemlə təchiz edilmiş daha ucuz versiyasını təqdim edib.

18 Mar 2020
İT

Yeni “Powerbeats” qulaqcığı rəsmən təqdim olunub

“Apple” korporasiyasına məxsus “Beats” şirkəti yeni simsiz “Powerbeats” qulaqcığını rəsmən təqdim edib.

18 Mar 2020
İT

İki ucuz “iPhone” modeli buraxılacaq

“Apple” şirkəti iki ucuz “iPhone” modelini satışa çıxarmağı planlaşdırır.