“Japan Display” yeni nəsil ekranlar nümayiş etdirəcək

“Japan Display” yeni nəsil ekranlar nümayiş etdirəcək
02 Dek 2019 10:39

“Japan Display” şirkəti qarşıdakı “FinTech JAPAN 2019” sərgisində ekranlar sahəsində yeni texnologiyalar nümayiş etdirəcəyini açıqlayıb. Belə ki, Yaponiya istehsalçısı tam şəffaf maye-kristal panel və yeni nəsil “micro-LED” ekranların təqdimatını planlaşdırır.

 

“ICTnews” Elektron Xəbər Xidməti “4PDA” resursuna istinadən yazır ki, yeni 12,3 düymlük displeyin əsas xüsusiyyəti rəngli filtrlərin və adi maye-kristal matrisaların ayrılmaz hissəsi olan polyarizatorların mövcud olmamasındadır. Bu, ekranı tam şəffaf etməyə imkan verib. Hətta rəngli görüntünü daxil edən zaman panelin arxasında nələrin baş verdiyini görmək mümkün olacaq. Yeni qurğunun təsvir ölçüsü bir düym üçün 125 piksel sıxlıqla 1440х540 piksel təşkil edir. Displey 4096-dək rəng çalarını göstərə bilir.

 

İstehsalçı nümayəndələrinin sözlərinə görə, panelin təsvirsiz buraxılış qabiliyyəti 87 faiz təşkil edir ki, bu da mütləq rekorddur. Maraqlıdır ki, displey vasitəsilə arxa paneldə real obyektləri ekranda göstərilənlərlə birləşdirmək mümkündür.

 

Yeni şəffaf displeyin təqdimatı dekabrın 4-6-da baş tutacaq. Yeni matrisaların seriyalı istehsalı isə 2020-ci ilə planlaşdırılır. “FinTech JAPAN 2019” sərgisində, həmçinin yüksək parlaqlıq və geniş baxış bucağına malik yeni nəsil “micro-LED” ekranlar təqdim olunacaq.

 

Yeni “micro-LED” displeylər işıqlandırmanın olmaması, eləcə də polyarizasiyalı və rəngli filtrin quraşdırılmaması ilə seçilir. Ölçüsü 1,6 düym təşkil edən prototipin təsvir ölçüsü 300х300 pikselə bərabərdir. Parlaqlıq baxış bucağı 178 dərəcədən çox olmaqla 3 min kandel kvadratmetrə (kd/m2) çatır.

 

“micro-LED” texnologiyası “OLED”dən sonra yeni nəsil displeylərdə yeni standart olacaq. Artıq “Apple” şirkəti bu panellərə maraq göstərməyə başlayıb.

Realpress.az


6 Dek 2019
İT

Maddənin ən kiçik hissəciklərini birləşdirə bilən yapışqan hazırlanıb

Alimlər tərəfindən plastik və şüşə məmulatlar üçün hazırlanmış hiper yapışqan maddələr arasında molekulyar səviyyədə yeni güclü əlaqələr yaradır. Bu haqda "Science" jurnalında dərc edilmiş araşdırmada məlumat verilir.

6 Dek 2019
İT

Kontaktsız ödənişlər üçün yeni təhlükəsizlik standartı təqdim olunub

Ödəniş Kartları Sənayesi üzrə Təhlükəsizlik Standartları Şurası (PCI SSC) satıcılara “NFC” texnologiyasını dəstəkləyən mobil “COTS” qurğuları (kütləvi bazar üçün nəzərdə tutulan smartfon və planşetlər) vasitəsilə kontaktsız ödənişləri qəbul etməyə imkan verən həllər üçün yeni məlumat təhlükəsizliyi standartını təqdim edib.

6 Dek 2019
İT

“Rossiya 24” telekanalının “Bakutel 2019” sərgisi ilə bağlı yayımladığı reportajda Prezident İlham Əliyevin müsahibəsi də yer alıb

Rusiyanın "Rossiya 24" telekanalı dekabrın 5-də "Bakutel 2019" 25-ci Azərbaycan Beynəlxalq Telekommunikasiya, İnnovasiya və Yüksək Texnologiyalar Sərgisi ilə bağlı reportaj yayımlayıb. Reportajda Azərbaycan Respublikasının Prezidenti cənab İlham Əliyevin müsahibəsi də yer alıb.

6 Dek 2019
İT

“Nokia 2.3” smartfonu təqdim olunub

"HMD Global" şirkəti yeni "Nokia 2.3" smartfonunu rəsmən təqdim edib. Yeni qurğu "Android One" proqramı bazasında hazırlanıb.

6 Dek 2019
İT

Tokioda “Pepper” robotlarının çalışdığı kafe açılıb

Tokioda ofisiantlar qismində robotların da çalışdığı “Pepper Parlor” kafesinin açılışı olub.