“ZTE” şirkəti “5G” bazarında əməkdaşlığa çağırır

“ZTE” şirkəti “5G” bazarında əməkdaşlığa çağırır
02 Dek 2019 09:35

“ZTE” şirkətinin Direktorlar Şurasının sədri Li Tszısyue dünya ictimaiyyətini beşinci nəsil mobil rabitə şəbəkələrinin (5G) inkişafında əməkdaşlığa çağırıb.

 

“ICTnews” Elektron Xəbər Xidməti “DailyComm” resursuna istinadən yazır ki, onun fikrincə, “5G” şəbəkələri şirkətlərin fəaliyyətini köklü şəkildə dəyişəcək. “Biz “5G” daxil olmaqla yeni texnologiyalardan istifadə edərkən təhlükəsizliklə bağlı yeni problemlər yarana bilər. Lakin məncə, bütün bu çətinlikləri dəf etmək mümkündür”, – Çin istehsalçısının Direktorlar Şurasının sədri “New Economy Forum” konfransında çıxışı zamanı bildirib.

 

Onun sözlərinə görə, bazar iştirakçıları beşinci nəsil mobil rabitə şəbəkələrinin inkişafında açıq və üstünlük təşkil edən yanaşmadan istifadə edərək birlikdə fəaliyyət göstərməlidirlər.

 

O vurğulayıb ki, çoxtərəfli əməkdaşlıq sayəsində müxtəlif tərəflərin tələbatını ödəmək mümkün olacaq. “5G” texnologiyası müxtəlif bazarları dəyişərək telekommunikasiya sahəsi üzrə tədarük zəncirində yeniliklər üçün əsas olacaq.

 

Dünyada dördüncü ən böyük telekommunikasiya avadanlığı tədarükçüsü hesab edilən “ZTE” bütün dünyada “5G” avadanlıqlarının quraşdırılmasını sürətləndirərək Çində mövqelərini möhkəmləndirib. Belə ki, şirkət “5G” sahəsində 35 kommersiya sazişi imzaladığı halda iyunda bu göstərici 25 olub.

 

Qeyd edək ki, “5G” mövcud “4G” şəbəkəsini əvəz edəcək yeni nəsil rabitə şəbəkəsidir. Proqnozlara görə, şəbəkədən 2020-ci ildən etibarən bütün dünyada istifadə mümkün olacaq. Bundan sonra yalnız smartfonlar üçün optimallaşdırılan “4G” şəbəkəsindən fərqli olaraq milyardlarla qurğunun qoşulacağı “5G” şəbəkəsi məlumatların yüksək sürətlə ötürülməsini, zəif yubanma dərəcəsini, eləcə də enerjidən az istifadəni təmin edəcək.

Realpress.az


6 Dek 2019
İT

Maddənin ən kiçik hissəciklərini birləşdirə bilən yapışqan hazırlanıb

Alimlər tərəfindən plastik və şüşə məmulatlar üçün hazırlanmış hiper yapışqan maddələr arasında molekulyar səviyyədə yeni güclü əlaqələr yaradır. Bu haqda "Science" jurnalında dərc edilmiş araşdırmada məlumat verilir.

6 Dek 2019
İT

Kontaktsız ödənişlər üçün yeni təhlükəsizlik standartı təqdim olunub

Ödəniş Kartları Sənayesi üzrə Təhlükəsizlik Standartları Şurası (PCI SSC) satıcılara “NFC” texnologiyasını dəstəkləyən mobil “COTS” qurğuları (kütləvi bazar üçün nəzərdə tutulan smartfon və planşetlər) vasitəsilə kontaktsız ödənişləri qəbul etməyə imkan verən həllər üçün yeni məlumat təhlükəsizliyi standartını təqdim edib.

6 Dek 2019
İT

“Rossiya 24” telekanalının “Bakutel 2019” sərgisi ilə bağlı yayımladığı reportajda Prezident İlham Əliyevin müsahibəsi də yer alıb

Rusiyanın "Rossiya 24" telekanalı dekabrın 5-də "Bakutel 2019" 25-ci Azərbaycan Beynəlxalq Telekommunikasiya, İnnovasiya və Yüksək Texnologiyalar Sərgisi ilə bağlı reportaj yayımlayıb. Reportajda Azərbaycan Respublikasının Prezidenti cənab İlham Əliyevin müsahibəsi də yer alıb.

6 Dek 2019
İT

“Nokia 2.3” smartfonu təqdim olunub

"HMD Global" şirkəti yeni "Nokia 2.3" smartfonunu rəsmən təqdim edib. Yeni qurğu "Android One" proqramı bazasında hazırlanıb.

6 Dek 2019
İT

Tokioda “Pepper” robotlarının çalışdığı kafe açılıb

Tokioda ofisiantlar qismində robotların da çalışdığı “Pepper Parlor” kafesinin açılışı olub.