Dünyada ilk dəfə internet üzərindən ürək əməliyyatı keçirilib

Dünyada ilk dəfə internet üzərindən ürək əməliyyatı keçirilib
09 Sent 2019 12:15

Hindistanda həkimlərdən 32 km uzaqlıqda yerləşən xəstənin ürəyində dünyada ilk dəfə məsafədən idarə olunan əməliyyat keçirilib. Bu məqsədlə tədqiqatçılar məsafədən idarə olunan stansiya yaratmalı olublar.

 

“ICTnews” Elektron Xəbər Xidməti “hightech.fm” saytına istinadən yazır ki, “Corindus” şirkəti tərəfindən hazırlanmış “CorPath GRX” robotu ürəkdə qan damarlarını açmaq üçün kiçik bir stend yerləşdirib. Bu, ateroskleroz xəstəliyindən əziyyət çəkən xəstələrdə həyata keçirilən perkutan koronar müdaxilədir.

 

Sözügedən əməliyyat Hindistanın Əhmadabad şəhərində yerləşən “Apex Heart Institute”un həkimi Tedjas Patelin müşahidəsi altında keçirilib. "Tibb sahəsində belə önəmli hadisənin bir hissəsi olmaqdan böyük şərəf hissi duyuram. Uzaq məsafədən müalicə məqsədilə robot texnikasının tətbiqi ixtisaslaşdırılmış tibbi yardımdan istifadəni təmin edə bilər" – o deyib.

 

Son bir neçə onillikdə həkimlər robotlara etibar etməyə başlayıblar. İlk avtomatlaşdırılmış əməliyyat 1985-ci ildə keçirilib: neyrocərrahlar daha dəqiq beyin biopsiyası aparmaq üçün robotlardan istifadə etmişdilər.

Realpress.az


20 Sent 2019
İT

2020-ci ildə “5G”-smartfonların qlobal tədarükü 260 milyona yaxınlaşacaq

Tayvanın “Market Intelligence & Consulting Institute” şirkətinin analitiklərinin proqnozuna görə, 2020-ci ildə beşinci nəsil şəbəkələrini dəstəkləyən smartfonların tədarük həcmi 260 milyona yaxınlaşacaq. 2019-cu ildə “5G”-aparatların tədarük həcmi 11,4 milyon səviyyəsində gözlənilir.

20 Sent 2019
İT

“LTE” şəbəkələrinə qoşulmaların sayı 5 milyarda yaxınlaşıb

Bu ilin ikinci rübündə “LTE” şəbəkələrinə 250 milyona yaxın yeni qoşulma qeydə alınıb, onların ümumi sayı isə 4,7 milyarda çatıb. Bu barədə “Ovum” analitik şirkətinin sahə üzrə “5G Americas” Assosiasiyasına istinadən məlumatında deyilir.

20 Sent 2019
İT

Yapon alimləri ehtimala əsaslanan ilk kompüter təqdim ediblər

Yaponiyanın Toxoku və ABŞ-ın Perdyu universitetlərinin  mühəndisləri ehtimala əsaslanan kompüter sxemi üzrə işləyən ilk qurğu təqdim ediblər. Bu haqda “Science Daily” nəşri yazıb. 

20 Sent 2019
İT

"Əsrin müqaviləsi"nin 25 illiyinə həsr olunmuş poçt markaları dövriyyəyə buraxılıb

Nəqliyyat, Rabitə və Yüksək Texnologiyalar Nazirliyinin tabeliyində fəaliyyət göstərən “Azərmarka” MMC “Əsrin müqaviləsi”nə həsr olunmuş poçt markalarını tədavülə buraxıb.

20 Sent 2019
İT

“Facebook” televizor vasitəsilə videoçat üçün qurğu təqdim edib

"Facebook" şirkəti televizordan "Messenger" və "WhatsApp" proqramları vasitəsilə videozənglər etməyə imkan verən "Portal TV" qurğusunu təqdim edib. Sözügedən qurğu səsli idarəetməni dəstəkləyir.