Azərbaycanın daha bir qadın idmançısı Tokio Olimpiadasına lisenziya qazanıb.
realpress.az-ın xəbərinə görə, qadın güləşçimiz Elis Manolova 68 kq çəki dərəcəsində Bolqarıstanın paytaxtı Sofiyada keçirilən Dünya Olimpiya Təsnifat turnirinin yarımfinalında Cəmilə Bakberqenovanı (Qazaxıstan) 5:3 hesabı ilə məğlub edərək finala çıxıb.
Bu, Avropa çempionu Elis Manolovanın Olimpiadaya vəsiqə qazanması üçün kifayət edib.
Bununla da Azərbaycan qadın güləşində Mariya Stadnikdən sonra ikinci, ümumilikdə güləşdə altıncı lisenziyasını qazanıb.
Qeyd edək ki, bu, Azərbaycanın rəsmiləşdirdiyi 19-cu lisenziya olub.
Bakı kənd və qəsəbələri arasında keçirilən II minifutbol turnirinin mükafatlandırma mərasimində 384 iştirakçının hər birinə və 32 məşqçiyə “İSMA bikes Azərbaycan” şirkəti tərəfindən velosipedlər təqdim edilib.
Builki Avropa Amputant Futbol Çempionatına hazırlıqlarını davam etdirən seçmə komandalar yoldaşlıq görüşü keçiriblər.
Qadın boksçulardan ibarət Azərbaycan millisi Qazaxıstana yollanıb. Seçmə komanda Almatı Olimpiya Hazırlıq Mərkəzində təlim-məşq toplanışı keçəcək.
