HAMİLƏ QADINLARDA ANEMİYANIN MÜALİCƏSİ – GƏLƏCƏK NƏSLİN SAĞLAMLIĞININ TƏMİNATIDIR!

HAMİLƏ QADINLARDA ANEMİYANIN MÜALİCƏSİ – GƏLƏCƏK NƏSLİN SAĞLAMLIĞININ TƏMİNATIDIR!
23 İyul 2019 17:25

Dəmir Defisitli Anemiyanın (DDA) profilaktika və müalicəsi ÜST-ın ən vacib proqramlarından biridir. DDA-nın yayılması, hətta inkişaf etmiş ölkələrdə belə yüksəkdir və əhalinin təxminən 30% -ni əhatə edir. Anemiya ilə xəstələnmənin ən yüksək həddi hamiləlik dövründə baş verir və orta hesabla 50%-dən çox olur. Anemiya hamiləliyin patoloji gedişatının əsas amillərindən biridir.

Anemiyanın hamiləliyin gedişatına təsiri. Hamiləlik dövründə dəmir ananın qan yaranma proseslərinə sərf olunmaqla yanaşı, dölün ehtiyaclarına da xərclənir. Hamiləliyin sonuna yaxın hər hansı bir qadında dəmir ehtiyatları tükənir və onların tam bərpası üçün 2-3 il tələb olunur. Hamiləlik dövründə baş verən anemiyanın digər səbəbi isə qida rasionunda kifayət qədər ət məhsullarının olmamasıdır.

Hamiləlik dövründə anemiyanın dərəcələri. Qanda hemoqlobinin göstəricisinə əsasən, hamiləlik zamanı anemiyanın aşağıda qeyd olunan dərəcələri vardır:

DDA-nın ağırlıq dərəcəsi 

Hb səviyyəsi, q/l

Müalicə müddəti, həftələr

Yüngül

90-100

3-4

Orta

70-89

8-12

Ağır

<70

16 və daha çox

Hamiləlik dövründə anemiyanın simptomları. Hamiləlik dövründə anemiya zamanı adətən hipoksiyaya dəlalət edən simptomlar önə çıxır: zəiflik, yorğunluq, yuxu pozğunluğu, gündüz - yuxululuq, gecə - yuxusuzluq, baş ağrıları, başgicəllənmə, qulaqda küy, tənginəfəslik, ürək döyüntüsü, bayılma. Hamiləlik dövründə toxumalarda dəmir çatışmazlığı ilə əlaqədar anemiyanın təzahürləri: dəri quruluğu və çatları, dodaq haşiyəsinin iltihabı, çatlar, dəri törəmələrin kövrəkliyi və qırılması, saç tökülməsi.

Hamiləlik dövründə anemiya ilə bağlı ağırlaşmalar. Anemiyanın ən çox rast gəlinən ağırlaşmaları aşağıdakılardır: düşük təhlükəsi, hestoz, arterial təzyiqin aşağı düşməsi, ciftin vaxtından əvvəl soyulması, dölün inkişafdan qalması və erkən doğuş, yenidoğulmuşlarda anemiya.

DDA-nın müalicəsi. Bütün DDA-lı xəstələr üçün dəmir tərkibli preparatlarla müalicə göstərişdir. Son illər tərkibində dəmir, C və B12 vitaminləri, fol turşusu saxlayan kombinəolunmuş preparatlardan istifadə olunur. Liposomal dəmirin istifadəsi çox maraqlıdır. Müasir nanotexnologiya istehsalı sayəsində dəmir liposomal qatın içərisinə yerləşdirilir, yəni lipidlərin ikiqat təbəqəsi ilə örtülür. Liposomal birləşmənin nüvəsində olan dəmir mədə-bağırsaq traktının divarları ilə təmasda olmur və onu qıcıqlandırmır. Liposomal çatdırılma sistemi dəmirin maksimal sorulmasını və biomənimsənilməsini təmin edir. C vitamini dəmirin sorulmasını gücləndirir və biomənimsənilməsini yaxşılaşdırır. B12 vitamini və fol turşusu DNT sintezi və yeni hüceyrələrin inkişafı üçün vacibdir.

 

Materialda əks olunmus məlumatlar müxtəlif qaynaqlardan, o cümlədən elmi-populyar məqalələr, internet materialları, rəsmi hesabatlar və s. əldə olunmuş, ümumiləşdirilmiş, tərcümə edilmiş və sistemləşdirilmişdir. Materiallardan istifadə olunduqda   www.aptekonline.az saytına istinad olunma mütləqdir.

Realpress.az


28 Noy 2019
Səhiyyə - Sağlamlıq

Kəskin respirator virus infeksiyaları

Kəskin respirator virus infeksiyası (KRVİ) - virus xəstəliyi olub, tənəffüs yollarının selikli qişasının zədələnməsi ilə xarakterizə olunur. Xalq arasında bu xəstəliyi "soyuqdəymə" adlandırırlar. Alimlər 200-dən çox respirator viruslar aşkar ediblər. Bunlardan ən çox təsadüf olunan viruslar -paraqrip, adenovirus, rinoviruslardır. KRVİ  əsasən hava-damcı yolu ilə yoluxur. İnfeksiya mənbəyi xəstə insanlardır.

28 Noy 2019
Səhiyyə - Sağlamlıq

Əllərdə bu dəyişikliklər AĞCİYƏR XƏRÇƏNGİNƏ işarə edir - FOTO

Xərçəngin ilkin mərhələlərdə aşkar olunması insanın sağlamlığını və həyatını xilas etməyə imkan verir. Bu səbəbdən xərçəngin ilkin simptomlarını bilmək çox vacibdir.

26 Noy 2019
Səhiyyə - Sağlamlıq

Sadə herpesin hiyləgər ağırlaşmaları

Sadə herpes - törədicisi Sadə Herpes Virusu (SHV) olub, herpetik infeksiyanın ən çox yayılmış xəstəliyidir. Herpesin törədicisi elə virusdur ki, bir dəfə orqanizmə daxil oldusa orada həmişəlik qalır. SHV-nin mənbəyi xəstə və ya daşıyıcı (xəstəliyin xarici əlamətləri yoxdur, lakin virus tüpürcək, sidik, sidik-cinsiyyət sistemi ifrazatları vasitəsilə xaric olunur) insandır. Virus kontakt, hava-damcı yolu ilə, qan və orqan köçürülməsi zamanı ötürülür. Hamiləlik zamanı dölün yoluxması transplasentar yolla (cift vasitəsilə) va ya doğuş zamanı baş verə bilər.

25 Noy 2019
Səhiyyə - Sağlamlıq

Qış - soyuqdəymə xəstəliklərinin zamanıdır

Qış - bir çox səbəbə görə xoşagəlməz vaxtdır. Soyuq hava, vitamin azlığı, mövsümi depressiya. Hələ immunitet də zəifləyir, orqanizmin infeksiyalara qarşı müqavimətini azaldır. Buna sağlam olmayan həyat tərzini də əlavə etsəniz aydın olacaq niyə soyuqdəymə və qrip - ilin bu vaxtı praktiki olaraq hər bir evin daimi qonağıdır.