UEFA Avropa Liqasının Bakıda keçiriləcək final oyununa bilet alanda həlledici görüşdə hansı komandaların qarşılaşacağı hələ müəyyənləşməmişdi. Dostumla birgə final matçını Bakıda izləmək qərarına gəldik. Bakını gəzərkən necə doğru qərar verdiyimizə bir daha əmin olduq. Çünki Azərbaycanla bağlı təəssüratlarımız çox yüksəkdir. Qarşılaşmanı izləmək üçün Bakını seçdiyimizə görə məmnunuq. Oyundan sonra bir müddət ölkənizdə qalıb istirahət edəcək, gəzəcəyik.
Realpress.az bildirir ki, bunu UEFA Avropa Liqasının final oyununu izləmək üçün dostu Vitali Romanovla birlikdə Bakıya gələn rusiyalı Yevgeni Şişov AZƏRTAC-a müsahibəsində deyib.
Rusiyalı turistlər Azərbaycan mətbəxinin ləziz təamlarından daddıqlarını, daha çox şirniyyatları bəyəndiklərini diqqətə çatdırıblar.
Vitali Romanov təəssüratlarını bölüşərkən bildirib: "Bakıda əsl futbol həyəcanı yaşanır. Sanki Bakı şəhərinin özü böyük bir futbol arenasına çevrilib. Şəhərdə xoş ab-hava hökm sürür. İnsanlar böyük oyunu səbirsizliklə gözləyirlər. Əminəm ki, bu gün maraqlı oyunun şahidi olacağıq".
Bakı kənd və qəsəbələri arasında keçirilən II minifutbol turnirinin mükafatlandırma mərasimində 384 iştirakçının hər birinə və 32 məşqçiyə “İSMA bikes Azərbaycan” şirkəti tərəfindən velosipedlər təqdim edilib.
Builki Avropa Amputant Futbol Çempionatına hazırlıqlarını davam etdirən seçmə komandalar yoldaşlıq görüşü keçiriblər.
Qadın boksçulardan ibarət Azərbaycan millisi Qazaxıstana yollanıb. Seçmə komanda Almatı Olimpiya Hazırlıq Mərkəzində təlim-məşq toplanışı keçəcək.