Polkovnik: “Yaralının son vəziyyəti məlum olana qədər ordudan tərxis oluna bilməz”

Polkovnik: “Yaralının son vəziyyəti məlum olana qədər ordudan tərxis oluna bilməz”
05 Apr 2021 09:34


“Yaralıların hamısı ordudan tərxis olunmayıb. Yaralıların ordudan tərxis olunması üçün qaydalar var. Belə ki, yaralının son vəziyyəti məlum olana qədər ordudan tərxis oluna bilməz”.

realpress.az xəbər verir ki, bunu Silahlı Qüvvələrin Baş Klinik Hospitalının 2-ci Müalicə Korpusunun Tibbi Reabilitasiya bölməsində hərbi həkimlərin Vətən müharibəsi dövründə və işğaldan azad edilmiş ərazilərdə hazırkı fəaliyyəti ilə bağlı keçirilən brifinqdə Müdafiə Nazirliyinin Tibb Baş İdarəsinin rəisi vəzifəsini icra edən polkovnik Firudin Nəbiyev deyib.

Onun sözlərinə görə, yaralının müalicəsi tam başa çatdıqdan sonra ordudan tərxis olunmalıdır:

“O yaralıların ki, müalicəsi sona çatıb onlar ordudan tərxis olunublar. 200-ə yaxın qazimiz artıq pensiya alır. Kimlər ki, ordudan tərxis olunur, onların hərbi xidmətlə səbəb əlaqəsini təyin edirik. Bundan sonra onların sənədləri Əmək və Əhalinin Sosial Müdafiəsi Nazirliyinə göndərilir. Daha sonra Nazirlikdə onların pensiya məsələsinə baxılır. 

Orduda xidmətini davam etdirən, yəni ordudan tərxis olunmayanların bəzilərinə evdə məzuniyyət verilib. Evdə məzuniyyət o adamlara verilir ki, qolu qırılıb, ayağında sınıqlar var və s. Onlara müəyyən müalicə proseduru tətbiq edildikdən sonra könüllü olaraq evdə 30-45 gün hətta 2 ay müddətində məzuniyyətə buraxılır. Məzuniyyətdə olduqları müddətdə onların tibbi təminatı Müdafiə Nazirliyinin üzərindədir. Əgər bir əsgərə məzuniyyət verilirsə onun dərman təminatı bizim üzərimizdədir. Əgər yaralı ordu sıralarından tərxis olunursa, qaydalara görə onun dərman təminatı bizim təminatımızdan çıxır”.

Onun sözlərinə görə, Azərbaycan Respublikasının Hərbi Xidmət keçmə haqqında qanununda kimlərin müdafiə nazirliyində müalicə keçməsi hüququ qeyd olunub:

“Orada yazılıb ki, yaşına, xəstəliyinə ştatların ixtisarına və ailə vəziyyətinə görə tərxis olunmuş 20 il və daha artıq xidmət etmiş yüksək rütbəli zabitlər, habelə eyni qədər xidmət etmiş və xəstəliklərə görə buraxılmış digər zabit və gizirlər müalicə ala bilər. Bu gün ehtiyyatda olan və 20 il xidməti olan zabitlər, gizilər və onların ailələri bizim təminatımızdadır. Digərləri, hazırda xidmət edən hərbi qulluqçular və onların ailə üzvləri müalicə xərclərini ödəməklə bizim təminatımızdadır”.


16 Apr 2021
Hərbi

Raket-artilleriya batareyalarının döyüş atışlı taktiki təlimləri keçirilir - VİDEO

Müdafiə nazirinin təsdiq etdiyi 2021-ci ilin döyüş hazırlığı planına əsasən Azərbaycan ordusunda Raket və artilleriya qoşunları bölmələrinin döyüş atışlı taktiki təlimləri keçirilir.

15 Apr 2021
Hərbi

Topçu Vüsal məşhur şəklindən danışdı: “Yaxın dostumu itirmişdim döyüşlərdə”

Topçu Vüsal məzuniyyətə gəlib. Bu xəbər sevinc kimi tez-bazar yayıldı və hamı dildən-dilə, ağızdan-ağıza əsgərin məzuniyyətə gəlişindən danışdı. Vüsalın məzuniyyətə gəlişi səssiz-sədasız olsa da, xəbər tutanlar evlərinə axışmağa başladılar.

15 Apr 2021
Hərbi

Gənc əsgərlər hərbi hissələrdə xüsusi hazırlıqlar keçir - FOTO+VİDEO

Azərbaycan ordusunun bütün hərbi hissələrində hərbi xidmətə yeni çağırılmış gənc əsgərlərin hazırlığına xüsusi diqqət yetirilir, bu kateqoriyadan olan hərbi qulluqçularla müxtəlif nəzəri və praktiki məşğələlər keçirilir.

14 Apr 2021
Hərbi

Ermənistanla sərhəddə yeni hərbi hissə fəaliyyətə başlayıb - FOTO

Bu gün Qubadlı rayonu ərazisində Ermənistanla dövlət sərhədində yeni hərbi hissə sərhəd komendantlığı xidməti-döyüş fəaliy­yə­tinə başlayıb.