Bu gün Od çərşənbəsidir - VİDEO

Bu gün Od çərşənbəsidir - VİDEO
02 Mar 2021 09:45


Bu gün Azərbaycanda Od çərşənbəsi qeyd olunur.

Od çərşənbəsi Novruz bayramı ərəfəsində keçirilən ikinci çərşənbədir.

Od türkün ağlında, düşüncəsində müqəddəslik rəmzi kimi yaşayıb, bu rəmzilik günümüzə kimi gəlib çıxıb. Od çərşənbəsinin mahiyyətində odun müqəddəs sayılması, onun insanı hər cür pisliklərdən, şərdən təmizləyəcəyinə, xeyirin qələbə çalacağına inam ifadə olunur.

Od çərşənbəsinə bəzən “Üzgü çərşənbə”, “Üzgü axşamı”, “Addı çərşənbə” də deyirlər.

Bu çərşənbə qədim insanların günəşə, oda olan müqəddəs inamından irəli gəlir. Adət-ənənəyə görə, bu gün tonqal qalayıb, alovun üzərindən tullanmaqla daxildə olan bütün çirkabı və azar-bezarları yandırırlar.

Digər çərşənbələrdə olduğu kimi, Od çərşənbəsində də qazanlar qaynamalı, ocağın üstü boş olmamalıdır. Bu çərşənbədə odun, tonqalın yandırılması həmin ilin isti, bərəkətli keçməsinə işarədir. Hələ qədim dövrlərdən insanlar odu qoruyub, oda hörmət ediblər.

Qalanan tonqal isə həmişə nəyəsə işarə olub. Bunu “Kitabi-Dədə Qorqud” dastanından da aydın görmək olar. Zərdüştlükdən hələ çox əvvəl insanlar təbiəti canlandıran, torpağı isidən Günəşin yerdəki simvolu olan odu təsəvvürlərində rəmzləşdiriblər.

Belə bir etiqad yaranıb ki, insanlar günəşi və odu nə qədər əzizləyib oxşasa, təbiət o qədər tez isinər, adamlara xoşbəxtlik gətirər.


19 Apr 2021
Cəmiyyət

Ekspert: “Gürcüstan radioaktiv maddələrin boşaldılıb yüklənmə məntəqəsinə çevrilə bilər” - FOTO

“Gürcüstanın radioaktiv maddələrin boşaldılıb yüklənmə məntəqəsinə çevrilməsi təhlükəsi mövcuddur”.

19 Apr 2021
Cəmiyyət

Ana fəryad edir: “Oğlumun təcili qaraciyər nəqlinə ehtiyacı var” - FOTO

On bir yaşlı İlya Dubrovin qaraciyər sirrozundan əziyyət çəkir və təcili olaraq transplantasiyaya ehtiyacı var.

19 Apr 2021
Cəmiyyət

Deputat: “Məhdudlaşdırılma gözlənilir” - VİDEO

“Peyvəndlənmə prosesində istənilən rəqəmlərə çatmadığımız üçün məhdudlaşdırmanın olma ehtimalı yüksəkdir. Məhdudlaşma tədbirləri tətbiq olunduqda isə peyvənd vurulan şəxslərin rahat hərəkəti məntiqli, uyğun və vacibdir”.

19 Apr 2021
Cəmiyyət

Ermənilərin yalnız 3 faizi azərbaycanlılarla dinc yanaşı yaşamağı mümkün hesab edir

“Ermənistanda yetkin əhalinin 72 faizi ermənilərin və azərbaycanlıların birlikdə yaşaya biləcəyinə inanmır, 3 faiz isə bunu mümkün hesab edir”.

19 Apr 2021
Cəmiyyət

İki hissəyə bölünən stadionla bağlı nazirlik araşdırmaya başladı - VİDEO

Sumqayıt Dövlət Universitetinin (SDU) standart ölçülü futbol meydançasının iki yerə bölünərək, ortasından asfalt çəkilməsi ilə əlaqədar araşdırma başladılıb.