2020-ci ildə Azərbaycanın Gürcüstan iqtisadiyyatındakı payı açıqlanıb.
realpress.az-ın Gürcüstanın Statistika İdarəsindən əldə etdiyi məlumata əsasən, Gürcüstana ən çox məhsul ixrac edən ölkələr sırasında Azərbaycan Çindən sonra ikinci yerdədir.
Azərbaycan siyahıda Rusiya, Bolqarıstan, Ukrayna, Türkiyə, Ermənistan, İsveçrə, İspaniya və Amerika Birləşmiş Ştatlarını geridə qoyub. Cari dövrdə Azərbaycan Gürcüstana 441,3 milyon ABŞ dolları həcmində məhsul ixrac edib. Azərbaycandan Gürcüstana ixrac edilən məhsulların həcmi ümumi ixracın 13,2 faizini təşkil edib. 2019-cu ilin göstəriciləri ilə müqayisədə ixrac həcmi 13,2 faiz azalıb.
2020-ci ildə Gürcüstanın ixrac həyata keçirdiyi ölkələr arasında Azərbaycanın da olduğu ilk 10 ticarət tərəfdaşının payı 78,6 faiz təşkil edib. Belə ki, müvafiq dövrdə Gürcüstandan Azərbaycana idxal edilən məhsulların həcmi ötən ilin eyni dövrü ilə müqayisədə 8,4 faiz azalıb.
Siyahıda Gürcüstanın məhsul ixrac etdiyi ölkələr siyahısında Azərbaycan İspaniyadan sonra Amerika Birləşmiş Ştatlarını qabaqlayaraq 9-cu yerdə qərar tutub. Azərbaycana ixrac edilən məhsulun həcmi ümumi ixracın 3,3 faizini təşkil edir. Bu dövr ərzində Azərbaycan Gürcüstandan 79,4 milyon dollar həcmində məhsul idxal edib.
İki ölkə arasındakı ticarət dövriyyəsinin ümumi həcmi isə 520,7 milyon dollar olub. Ticarət dövriyyəsində Gürcüstanın ən çox əməliyyat apardığı ölkələr siyahısında Azərbaycan dördüncü ölkədir.
İqtisadiyyat naziri Mikayıl Cabbarov Yurgen Riqterink ilə görüşüb.
Rusiyanın Primorye diyarının Lesozavodsk şəhərində buzlu yağış səbəbindən fövqəladə vəziyyət elan edilib.
“Azərbaycanda vergi güzəştlərinin hazırlanması metodologiyası üzərində iş gedir”.
Dünyada hərbi münaqişələrin geniş vüsət alması şəraitində dünya iqtisadiyyatında gərginlik və risklər artmaqda davam edir, bunu nəzərə alaraq bu gün müzakirəyə çıxarılan 2024-cü ilin Azərbaycanın dövlət büdcəsi layihəsi mürəkkəb qlobal şəraitə təsadüf edir.
