İki dəfə yaralansa da, döyüşə gedən, səkkiz yoldaşını xilas edən Şuşa qalasının şəhidi - FOTO

İki dəfə yaralansa da, döyüşə gedən, səkkiz yoldaşını xilas edən Şuşa qalasının şəhidi - FOTO
11 Yan 2021 09:12


44 günlük Vətən Müharibəsi bizə minlərlə qəhrəmanımızı yaxından tanıtdı. Onların şücaətləri tarix boyu xalqımızın yaddaşından silinməyəcək. Belə igidlərdən biri də Qax rayonunun 23 yaşlı qəhrəmanı Hacıəhməd Hacıəhmədlidir.

Hacıəhməd Həsən oğlu Hacıəhmədli 1998-ci ildə Qax rayonunun Zərnə kəndində dünyaya göz açıb.

Hacıəhməd orta məktəbi Zərnə kəndində bitirib və Azərbaycan Texniki Universitetinə qəbul olub. Universiteti bitirdikdən sonra həqiqi hərbi xidmətə yollanıb. Vətənə olan borcunu yerinə yetirdikdən sonra hərbə olan sevgisi onu yenidən bu sahəyə yönəldib.

Ali təhsil almasına baxmayaraq, öz ixtisası üzrə işləməkdən imtina edərək, müddətdən artıq həqiqi hərbi qulluqçu kimi xidmətə başlayan Hacıəhmədə Vətən Müharibəsində iştirak etmək də nəsib olub.

Sentyabrın 27-dən etibarən ordumuzun əks hücum əməliyyatlarında qəhrəmanlıq göstərən Hacıəhməd Füzuli, Zəngilan, Qubadlı rayonları və Laçın dəhlizinin işğaldan azad edilməsi uğrunda döyüşüb. O, bu döyüşlərdə səkkiz yaralı hərbçi yoldaşını döyüş meydanından çıxarıb.

Ayağından və gözündən yaralanmasına baxmayaraq, 15 günlük məzuniyyətdən imtina edərək, müalicə olunduğu hospitaldan birbaşa cəbhəyə yollanıb.

Hacıəhmədin son döyüşü noyabrın 7-də Şuşada olub. O, Şuşa qalası ətrafında ən uca zirvəni fəth edən zaman şəhid olub.

Hacıəhmədin valideynləri indi övladları haqqında yalnız fəxarətlə danışırlar.

Hacıəhməd Hacıəhmədli ölümündən sonra dörd medalla - “Vətən uğrunda”, Şuşanın, Füzulinin və Qubadlının azad olunması uğrunda medalları ilə təltif edilib. Şəhid Zərnə kənd qəbiristanlığında torpağa tapşırılıb.

Allah rəhmət eləsin!



19 Yan 2021
Cəmiyyət

Ötən il icbari tibbi sığorta çərçivəsində nə qədər tibbi xidmət göstərilib?

İcbari tibbi sığortanın tətbiq edildiyi 23 inzibati ərazidə fəaliyyət göstərən mərkəzi xəstəxanaların və onların struktur bölmələrinin, habelə müalicə diaqnostika mərkəzlərinin İcbari Tibbi Sığorta üzrə Dövlət Agentliyinə (Agentlik) təqdim etdikləri ilkin hesabatlara əsasən, 2020-ci il ərzində 1 milyon 147 min 834 nəfər sözügedən müəssisələrə, ümumilikdə 4 milyon 170 min 432 dəfə müraciət edib.

19 Yan 2021
Cəmiyyət

Daha iki şəhid ailəsi təqaüd kartları ilə təmin edilib - FOTO

Əmək və Əhalinin Sosial Müdafiəsi Nazirliyinin tabeliyindəki Dövlət Sosial Müdafiə Fondu tərəfindən şəhid ailələrinə sosial ödənişlərin təyinatı onların müraciətinə ehtiyac olmadan proaktiv qaydada, operativ şəkildə aparılır.

19 Yan 2021
Cəmiyyət

Bakı qara hazırlaşır: Texnikalar hazır vəziyyətə gətirildi

Bakı şəhərinin bütün rayonlarında təsdiq edilmiş tədbirlər planlarına uyğun payız-qış mövsümünə hazırlıq tədbirləri həyata keçirilib.

19 Yan 2021
Cəmiyyət

Abdin Fərzəliyev yeni şöbə müdiri təyin etdi

Nərimanov Rayon İcra Hakimiyyətində yeni təyinat olub.

19 Yan 2021
Cəmiyyət

20 Yanvara həsr olunmuş xüsusi dərslər keçiriləcək

Yanvarın 19-da təhsil müəssisələrində 20 Yanvar faciəsinin otuz birinci ildönümünə həsr olunmuş xüsusi dərslər keçiriləcək.