Deputat Prezidentin Şəki səfərini şərh etdi

Deputat Prezidentin Şəki səfərini şərh etdi
01 Avq 2020 15:18


“Cənab Prezident İlham Əliyevin Şəkiyə səfəri, həmişə olduğu kimi, bu dəfə də şəkililərin sevincinə səbəb oldu. Dövlət başçısı Şəkidə həm yol infrastrukturunun açılışında, həm də koronavirus xəstələri üçün modul tipli xəstəxananın açılışında iştirak etdi”.

Bunu realpress.az-a açıqlamasında 113 saylı Şəki Şəhər Seçki Dairəsindən Milli Məclisə deputat seçilən Vüqar İskəndərov deyib.

O, Prezidentin Şəkidə 10-cu dəfə səfərdə olduğunu xatırladıb.

“Ölkə başçısı dedi ki, Şəkiyə səfərləri çərçivəsində onlarla obyektin açlışında, təməlqoyma mərasimində və sair tədbirlərdə iştirak edib. Cənab Prezidentin açılışını etdiyi obyektlər bu gün Şəki əhalisinə çox uğurla xidmət edir”, - deyə V.İskəndərov əlavə edib.

Millət vəkili söyləyib ki, Prezident çıxışında Azərbaycanın koronavirus pandemiyasına qarşı uğurlu mübarizəsindən danışıb.

V.İskəndərov qeyd edib ki, Azərbaycan koronavirus pandemiyasına qarşı uğurlu mübarizə aparan öncül ölkələrdən biridir.

Parlamentarinin fikrincə, dünya tibbi pandemiyaya hazır deyildi.

“Biz inkişaf etmiş ölkələrdə koronavirusla bağlı hansı proseslərin getdiyinin şahidi olduq. Həmin ölkələrdə koronavirus xəstələrinin sayının necə artmasını və ölüm hallarının çox olduğunu gördük.

Azərbaycanda isə vaxtında preventiv işlər görüldüyü üçün ağır fəsadlardan kənarda qaldıq. Biz bugünkü dinamikanı da görürük və inkişaf etmiş ölkələrlə müqayisədə hansı səviyyədə olduğumuz aydındır”.

Deputatın sözlərinə görə, Azərbaycanda koronavirusla mübarizə çərçivəsində vaxtında görülmüş işlərdən ən böyüyü qısa müddət ərzində modul tipli xəstəxanaların tikintisidir.

Dövlət başçısı iyulun 29-da Şəkidə koronaviruslu xəstələrin müalicəsi üçün nəzərdə tutulan modul tipli xəstəxananın istifadəyə verilməsi mərasimində deyib ki, qısa müddət ərzində 10 xəstəxana qurulmalı idi. Artıq doqquzu hazır vəziyyətdədir:

“Onuncu xəstəxana isə yəqin ki, avqust ayında istifadəyə veriləcək. Beləliklə, bu proqram tam icra edilir. Bu günə qədər beş xəstəxana açılıb və 10 xəstəxananın fəaliyyəti nəticəsində bizim əlavə iki min çarpayılıq xəstəxanalarımız olacaq”.

Millət vəkili V.İskəndərov xatırladıb ki, Prezident pandemiya ilə mübarizə sahəsində ölkəmizdə tibbi maskaların, dezinfeksiya vasitələrinin, həkimlər üçün kombinezonların istehsalına başlandığını da deyib.

“Bu bir çox ölkələrlə müqayisədə daha effektiv addım atmağımıza bariz nümunədir. Əbəs yerə deyil ki, Ümumdünya Səhiyyə Təşkilatı Azərbaycanı koronavirusla mübarizədə nümunəvi ölkə kimi qiymətləndirib”, - deyə V.İskəndərov əlavə edib.

Parlamentari qeyd edib ki, Prezident səfəri çərçivəsində Şəki ilə bağlı gələcəyə istiqamətlənmiş dəyərli və vacib planların olduğunu söyləyib.

Aqşin Kərimov

8 Avq 2020
Siyasət

Prezident onu təltif etdi - SƏRƏNCAM

Prezident İlham Əliyev Şahbaz Muradovun təltif edilməsi haqqında sərəncam imzalayıb.

8 Avq 2020
Siyasət

İlham Əliyev Təhsil Nazirliyinə yeddi milyon manat ayırdı - SƏRƏNCAM

Prezident İlham Əliyev Azərbaycan Respublikasında təhsil infrastrukturunun inkişafı ilə əlaqədar əlavə tədbirlər haqqında sərəncam imzalayıb. 

8 Avq 2020
Siyasət

Ukrayna Xarici İşlər nazirinin müavini ermənipərəst deputatın ona qarşı bəyanatlarını “absurd teatrı” adlandır

Ukrayna Xarici İşlər nazirinin müavini Vasili Bodnar “Xalqın xidmətçisi” Partiyasının deputatı Darya Volodinanın Türkiyədə 1915-ci il “erməni soyqırımı”nın tanınmaması mövzusunda ölkənin rəsmi mövqeyinin izah olunduğu məktubla bağlı fikirlərini “absurd teatrı” adlandırıb.

7 Avq 2020
Siyasət

Ədalət Vəliyev Azərbaycan Milli Hərəkat Partiyasının sədri ilə görüşdü

Azərbaycan Respublikası Prezidentinin Administrasiyasının Siyasi partiyalar və qanunvericilik hakimiyyəti ilə əlaqələr şöbəsinin müdiri Ədalət Vəliyevlə Azərbaycan Milli Hərəkat Partiyasının (MHP) sədri Samir Cəfərov arasında avqustun 7-də görüş keçirilib. 

7 Avq 2020
Siyasət

Kamaləddin Qafarov: Yeni idarəetmə sisteminə keçid iqtisadi islahatların növbəti mərhələsidir

“Azərbaycan Respublikasının Prezidenti cənab İlham Əliyevin  ölkəmizdə koronavirus pandemiyası ilə mübarizə sahəsində görülən tədbirlər və sosial-iqtisadi vəziyyətlə bağlı videoformatda keçirilən müşavirədə  söylədiyi  əhatəli nitqi, ölkədə pandemiya şəraitində baş verən cari  proseslərlə bağlı əsaslandırılmış   çıxışı ictimaiyyət tərəfindən maraqla qarşılanmışdır.