İqtisadiyyat Nazirliyi və “Azərmaş” ASC-nin yeni sosial təşəbbüsü: “Həmrəylik göstərək! Dəstək olaq!”

İqtisadiyyat Nazirliyi və “Azərmaş” ASC-nin yeni sosial təşəbbüsü: “Həmrəylik göstərək! Dəstək olaq!”
26 Mar 2020 11:54

Koronavirus infeksiyasının yayılma riskinin azaldılması üçün sosial izolyasiya və profilaktik tədbirlər davam etdirilir. Dövlət qurumları və biznes dairələri bu tədbirlərdə fəal iştirak edirlər.

Ölkəmizdə koronavirus pandemiyasına qarşı mübarizəyə dəstək çərçivəsində İqtisadiyyat Nazirliyi və “Azərmaş” ASC birgə əməkdaşlıq çərçivəsində üçüncü sosial layihəyə start verirlər.

Sosial layihəyə əsasən, koronavirus pandemiyası müddətində mərkəzi və yerli icra hakimiyyəti orqanlarının əməkdaşlarının pandemiyanın aradan qaldırılması ilə bağlı tədbirlər çərçivəsində xidməti fəaliyyətinin təmin olunmasına kömək göstərilməsi üçün xüsusi avtomobillər ayrılıb. Bu avtomobillər kiçikhəcmli yüklərin daşınmasında da mərkəzi və yerli icra hakimiyyəti orqanlarına ödənişsiz dəstək göstərəcək.

“Azərmaş” ASC sosial məsuliyyət nümayiş etdirərək, bu məqsədlə 100 avtomobil və sürücü ayırıb. Sürücülər antiseptik məhsullar və lazımi qoruyucu vasitələrlə təmin olunublar. Bütün avtomobillər gündəlik dezinfeksiya edilir.

Xidmət müddəti (şənbə və bazar günləri istisna olmaqla) saat 09:00-dan 18:00-dək müəyyən olunub.

Mərkəzi və yerli icra hakimiyyəti orqanları zəruri ehtiyaclar üçün aşağıdakı nömrələrlə əlaqə yarada bilərlər:

Telefonlar: +994 55 300 73 80

“WhatsApp”: +994 55 300 73 70

Məlumat üçün bildiririk ki, İcbari Tibbi Sığorta Agentliyinin ehtiyacları üçün “Azərmaş” ASC tərəfindən ödənişsiz qaydada əlavə olaraq 100 avtomobil və sürücü ayrılıb.

“Azərmaş” ASC-nin ayırdığı 100 avtomobil yaşı 65-dən yuxarı olan vətəndaşların ehtiyaclarının evdən çıxmadan ödənilməsinə kömək göstərilməsi üçün həyata keçirilən sosial dəstək layihəsi çərçivəsində fəaliyyət göstərir.

Beləliklə, koronavirus pandemiayasının qarşısının alınması ilə bağlı aparılan qabaqlayıcı tədbirlərə “Azərmaş” ASC tərəfindən ümumilikdə 300 avtomobil və sürücü ayrılıb.

Qeyd edək ki, “Azərmaş” ASC Azərbaycanda avtomobil sənayesinin inkişafı məqsədilə 15 noyabr 2017-ci ildə yaradılıb. Səhmdar Cəmiyyət rəqabətqabiliyyətli minik və kommersiya avtomobilləri, onların ehtiyat hissələrinin istehsalı ilə məşğuldur.

Milli iqtisadiyyatın qeyri-neft sektorunda önəmli rol oynayan ASC-nin tərkibinə Neftçalada yerləşən Avtomobil İstehsalı Zavodu, “GM Özbəkistan” və “GAZ qrup Rusiya” avtomobil zavodları, kabel istehsalı zavodu, lokallaşdırma müəssisələri, lizinq şirkətləri, servis və ehtiyat hissələrinin satış mərkəzləri daxildir.

9 Apr 2020
Cəmiyyət

Koronavirusdan zərər çəkmiş sahibkarlara maliyyə dəstəyi ilə bağlı ən çox verilən SUALLAR və CAVABLAR

 Pandemiyadan zərər çəkmiş 4 böyük sektor üzrə aşağıdakı fəaliyyət istiqamətləri müəyyən edilib.

9 Apr 2020
Cəmiyyət

Nazirlər Kabineti illik hesabatın yeni formasını təqdim edir

Nazirlər Kabineti hökumətin 2019-cu ildə fəaliyyətinə dair illik İcmal Hesabat hazırlayaraq jurnal formasında dərc edib.

9 Apr 2020
Cəmiyyət

DİN növbəti dəfə vətəndaşlara müraciət etdi

Nazirlər Kabineti yanında operativ qərargahın koronavirus infeksiyasının yayılmasının qarşısının alınması üçün müəyyən etdiyi hərəkət məhdudiyyətlərinə nəzarət tədbirləri Daxili İşlər Nazirliyi tərəfindən məqsədyönlü şəkildə davam etdirilir.

9 Apr 2020
Cəmiyyət

DYP-dən müddəti bitməkdə olan etibarnamələrlə bağlı AÇIQLAMA

Daxili İşlər Nazirliyinin Baş Dövlət Yol Polisi İdarəsi ölkə ərazisində tətbiq edilmiş xüsusi karantin rejimi dövründə nəqliyyat vasitəsinə dair sərəncam vermə hüququnu nəzərdə tutan etibarnamənin qüvvədə olma müddəti ilə bağlı tədbirlər barədə məlumat yayıb.

9 Apr 2020
Cəmiyyət

Rusiya təşkilatı azərbaycanlı idmançıya təzminat ödəyəcək

“Fight Nights Global” təşkilatı azərbaycanlı MMA döyüşçüsü Nəriman Abbasova təzminat ödəyəcək.