Zabit Səmədovun döyüşü təxirə salındı - VİDEO

Zabit Səmədovun döyüşü təxirə salındı - VİDEO
16 Mar 2020 12:47

Azərbaycanın tanınmış kikboksçusu, K-1 döyüşçüsü Zabit Səmədovun Bakıda keçirəcəyi idmançı karyerasının son döyüşü təxirə salınıb.

realpress.az-ın xəbərinə görə, Heydər Əliyev adına İdman-Konsert Kompleksində aprelin 11-nə planlaşdırılmış döyüş ölkədə koronavirusla bağlı xüsusi rejimin tətbiq olunması ilə bağlı nəzərdə tutulmuş tarixdə baş tutmayacaq.

Döyüşün vaxtı Nazirlər Kabineti yanında operativ qərargahın bir ay müddətinə ölkədə idman yarışlarının keçirilməsinin təxirə salınması ilə bağlı qərarından sonra qeyri-müəyyən müddətədək uzadılıb. Bu barədə döyüşün digər iştirakçısı, ingilis Ceyms MakSvininin menecerinə də məlumat verilib.

Xatırladaq ki, MMA və kikboksinq döyüşçüsü olan Ceyms MakSvini 2018-ci ilin yanvarında Türkiyənin İzmir şəhərində keçirilən “Mix Fight Championship” döyüş gecəsində Zabit Səmədova meydan oxuyub. O, rinqə çıxaraq idmançımıza döyüşə çıxmağı təklif edib.

Zabit isə onun yanına gələrək “Bu şəxsin kim olduğunu bilmirəm, amma qarşılaşmada çox pis vəziyyətdə məğlub olacaq” deyib. O daha sonra pərt vəziyyətdə rinqi tərk edən rəqibini nəzərdə tutaraq “bunun kimi çempionları biz çox görmüşük” deyib və bu, tribunalara toplaşmış türkiyəli azarkeşləri coşdurub.

Bu döyüş ilkin olaraq 2018-ci ilin aprelində Almaniyada keçirilməli olsa da, nədənsə həmin tarixdə döyüş baş tutmayıb. 

İrlandiyada doğulmuş “Çəkic” ləqəbli, 39 yaşlı Ceyms MakSvini kikboksinqdə indiyədək 53 döyüşdən 46-da qələbə qazanıb və yeddi görüşdə uduzub. O, ötən il “Mix Fight Championship”in final görüşündə məğlub olaraq, ikinci olub.

Gürcüstanda doğulmuş “Mouqli” ləqəbli, 35 yaşlı Zabit Səmədov isə kikboksinqdə indiyədək 111 görüş keçirib. O bunlardan 101-də qələbə qazanıb və doqquz döyüşdə uduzub. Zabitin bir görüşü isə heç-heçə başa çatıb.


Səbuhi Musayev

29 May 2020
İdman

Rauf Məmmədov beynəlxalq “İpək yolu kuboku” turnirinin qalibi olub

Gənclər və İdman Nazirliyinin, Azərbaycan və Gürcüstan Şahmat federasiyalarının, eləcə də SOCAR-ın təşkilatçılığı ilə şahmatın blits növü üzrə onlayn qaydada keçirilən beynəlxalq “İpək yolu kuboku” turnirinə yekun vurulub.

29 May 2020
İdman

Beynəlxalq “İpək yolu kuboku” turnirinin qalibi Azərbaycan şahmatçısı Rauf Məmmədov olub

Gənclər və İdman Nazirliyinin, Azərbaycan və Gürcüstan Şahmat federasiyalarının, eləcə də SOCAR-ın təşkilatçılığı ilə şahmatın blits növü üzrə onlayn qaydada keçirilən beynəlxalq “İpək yolu kuboku” turnirinə yekun vurulub.

29 May 2020
İdman

Azərbaycanlı iş adamı Avropanın məşhur futbol klubunu alır

Azərbaycanlı iş adamı Nizami Piriyevin oğlu Nəsibin Fransanın “Olimpik” (Marsel) klubunu almaq istəyi barədə məlumat yayılıb.

28 May 2020
İdman

“Formula 1”də dördüncü yarış ləğv olundu

1-3 may tarixində keçirilməli olan, lakin təxirə salınmış “Formula 1” üzə Niderland Qran-Prisi ləğv olunub. 

28 May 2020
İdman

“Formula-1”in Azərbaycanda sentyabrda keçiriləcəyi xəbərinə RƏSMİ MÜNASİBƏT

Bakı Şəhər Halqası xarici mətbuatda “Formula-1” yarışının dərc olunmuş yeni təqviminə münasibət bildirib.