Əfqanıstanın qərbindəki Herat əyalətində silahlı şəxslərin məscidə hücumu nəticəsində altı nəfər həlak olub, daha bir nəfər yaralanıb.
Trend “Barrons” saytına istinadən xəbər verir ki, bu barədə Əfqanıstan Daxili İşlər Nazirliyinin mətbuat katibi Abdul Matin Qani bildirib.
Onun sözlərinə görə, ölümcül insident əyalətin Qozara rayonunun Şəhrak bölgəsində axşam namazı vaxtı baş verib. Həlak olanların hamısı mülki şəxslərdir.
Məlumatda Tolo məscidinin Əfqanıstanda azlıq təşkil edən şiə icmasına aid olduğu qeyd edilib.
Hələlik heç bir qruplaşma hücuma görə məsuliyyəti üzərinə götürməyib.
Slovakiyanın Baş naziri Robert Fitso mayın 17-də əməliyyat olunub, lakin onun vəziyyəti ağır olaraq qalır.
Nikaraquanın paytaxtı Manaquanın cənub-şərqindəki Ometepe adasında yerləşən Konsepsyon vulkanı püskürüb və təxminən 2 km hündürlüyündə kül sütunu havaya qalxıb.
Şimali Koreya Yapon dənizinə doğru ballistik raket atıb.