Bakı metropoliteninin dörd stansiyada canlı konsert proqramı təşkil olunacaq

Bakı metropoliteninin dörd stansiyada canlı konsert proqramı təşkil olunacaq
18 Sent 2023 10:03

Sentyabrın 18-də ölkəmizdə Milli Musiqi Günü kimi qeyd olunur. Mədəniyyət Nazirliyinin təşkilatçılığı ilə dahi bəstəkar Üzeyir Hacıbəyovun xatirəsinə həsr olunmuş XV musiqi festivalı bu gün başlanır və sentyabrın 28-dək davam edəcək.

Oxu.Az xəbər verir ki, Milli Musiqi Günü münasibəti ilə Bakı metropoliteni sərnişinlərinə xoş ovqat bəxş edəcək konsert proqramı təşkil edəcək. Konsert proqramı “İçərişəhər” (10:30 - 12:00), “Sahil” (11:30-13:00), “28 May” (12:30-14:00), “Elmlər Akademiyası” (13:30-15:00) stansiyalarında təqdim olunacaq.

Qeyd edək ki, Mədəniyyət Nazirliyinin təşəbbüsü və təqdim etdiyi parçalar əsasında tərtib olunaraq, Musiqi Günü və keçirilən festivala həsr olunmuş musiqi proqramının metro stansiyalarında səsləndirilməsinə başlanılıb. Proqrama Üzeyir Hacıbəyovun 11 əsərindən parçalar daxil edilib. Dahi bəstəkarın yaradıcılığının məhsulu olan məşhur “Sənsiz”, “Sevgili canan” romansları, “Koroğlu”, ”Arşın mal alan” operalarından uvertüra, “Arazbarı”, “Aşıqsayağı”, “Cəngi”əsərləri, “Koroğlu” operasından Koroğlunun ariyası, “Çənlibel” xoru, “Leyli və Məcnun” operasından “Qızlar” və “Şəbi hicran” xorundan ibarət proqram günün sonuna qədər yayımlanacaq.

Proqrama milli muğam üçlüyü və simli kvartetin ifasında Azərbaycan və dünya bəstəkarlarının əsərləri, folklor nümunələri salınıb.


23 May 2024
Cəmiyyət

Sabah Bakıda 26, rayonlarda 23 dərəcə isti olacaq

Mayın 24-də paytaxt Bakıda havanın əsasən yağmursuz keçəcəyi, bölgələrdə yağış yağacağı gözlənilir.

23 May 2024
Cəmiyyət

Azərbaycan Mərkəzi Bankı 23 may tarixindən etibarən valyuta məzənnələrini açıqlayıb.

23 May 2024
Cəmiyyət

Bakıda güclü geomaqnit qasırğası: Tarixlər açıqlandı

Bu gündən etibarən paytaxt Bakıda geomaqnit qasırğası müşahidə olunacaq. Qasırğanın şiddəti zaman-zaman güclənəcək.

23 May 2024
Cəmiyyət

Birinci Qarabağ müharibəsinin şəhidi ilə Sumqayıtda vida mərasimi keçirilir

Birinci Qarabağ müharibəsində şəhid olmuş, 30 ildən sonra nəşinin qalıqları tapılan Elməddin Şirxan oğlu Abbasovla vida mərasimi keçirilir.