Bu gün şəhid Şəhriyar Quliyevin doğum günüdür - VİDEO

Bu gün şəhid Şəhriyar Quliyevin doğum günüdür - VİDEO
25 May 2023 12:03

Azərbaycan Ordusunun 44 günlük Vətən Müharibəsində yazdığı qəhrəmanlıq dastanının iştirakçılarından və şəhidlik zirvəsinə ucalan hərbçilərindən biri də gizir Quliyev Şəhriyar Nəsib oğludur.

BAKU.WS xəbər verir ki, Azərbaycan ərazilərinin işğaldan azad edilməsində böyük pay sahibi olan qəhrəmanımız Qubadlı rayonu istiqamətində gedən döyüşlərdə şəhid olub.

Quliyev Şəhriyar Nəsib oğlu 25 may 1990-cı ildə  Ağdam şəhərində anadan olmuşdu. Ailəsi ilə birlikdə Sumqayıt şəhərinə köçmüşdü. Uşaqlıqdan idmana maraq göstərən Şəhriyar Xüsusi Təyinatlı Qüvvələrdə kəşfiyyatçı giziri olmuşdu. O, Gürcüstanda və Türkiyədə xüsusi döyüş təlimləri keçmişdi.

Şəhriyar 2016-cı il aprel döyüşlərində iştirak etmişdi. 27.09.2020-ci il tarixində başlayan Vətən Müharibəsində yenidən döyüşə atılan igidimiz Füzuli, Xocavənd, Cəbrayıl, Hadrut rayonlarında 27 gün qəhrəmancasına döyüşmüşdü.

Cəldliyinə, çevikliyinə və qorxmazlığına görə döyüş yoldaşları onu "Boz Qurd" adlandırırdılar. 150-yə yaxın erməni əsgər və zabitini məhv etdiyini bildirilirdi.

Sonuncu dəfə 23.10.2020 tarixdə Qubadlı istiqamətində gedən döyüşdə xüsusi döyüş tapşırığını yerinə yetirərkən düşmən sayca 3 dəfə çox olub və xüsusi muzdlulardan istifadə edib. Şəhriyar rəşadətlə döyüşüb və iki döyüş yoldaşını döyüş meydanından yaralı çıxarıb. Yenidən döyüş meydanına qayıdan zaman qəhrəmancasına şəhid olub.

Azərbaycan Prezidenti İlham Əliyevin müvafiq sərəncamlarına əsasən, şəhid Şəhriyar Quliyev "Qarabağ" ordeni, "Vətən uğrunda" medalı, "Cəbrayılın azad olunmasına görə" medalı, "Füzulinin azad olunmasına görə" medalı və "Xocavəndin azad olunmasına görə" medalı ilə təltif olunub.


27 May 2024
Cəmiyyət

Türkdilli dövlətlərin nazirlərinin elm və təhsil sahəsində növbəti iclasları Şuşada keçiriləcək

Şuşa şəhərində iyunun 1-də Türk Dövlətləri Təşkilatı Təhsil Nazirlərinin VIII İclası və Türk Akademiyasının Elmi Şurasının VII İclası keçiriləcək.

27 May 2024
Cəmiyyət

"Xocalı" gəmisi istismara verildi

“Azərbaycan Xəzər Dəniz Gəmiçiliyi” QSC-nin (ASCO) donanmasına “Handysize” ölçü tipli ilk gəmi qəbul edilib. Bununla da, ASCO quru yüklərin daşınmasında yeni seqmentə daxil olub. Prezident İlham Əliyevin tapşırığına əsasən, gəmiyə tarixi torpağımız Xocalının adı verilib.

27 May 2024
Cəmiyyət

Qubadlıda sərhədçilər üçün yeni yaşayış binaları istifadəyə verildi

Mayın 25-də Sərhəd Qoşunlarının "Qubadlı" əlahiddə sərhəd diviziyasında 2 yaşayış binası əsaslı təmirdən sonra istifadəyə verilib.

27 May 2024
Cəmiyyət

Şagird yerdəyişməsi müvəqqəti dayandırılır

İyunun 3-ü saat 17:00-da 2023-2024-cü tədris ili üzrə şagirdlərin elektron yerdəyişməsi (www.sy.edu.az) portalı vasitəsilə sorğuların qəbulu müvəqqəti olaraq dayandırılacaq.

27 May 2024
Cəmiyyət

Bayram gününün hava proqnozu AÇIQLANDI

Ölkə ərazisində mayın 28-nə gözlənilən hava proqnozu açıqlanıb.