Azərbaycan Türküstanda keçirilən türk xalqlarının mədəniyyət festivalında təmsil olunub - FOTO

Azərbaycan Türküstanda keçirilən türk xalqlarının mədəniyyət festivalında təmsil olunub - FOTO
18 Mar 2023 09:07

Qazaxıstanın Türküstan vilayətindəki “Karvansaray” turist kompleksində Novruz bayramı münasibətilə keçirilmiş türk xalqlarının mədəniyyət festivalında Azərbaycan da təmsil olunub.  

Diasporla İş üzrə Dövlət Komitəsinin dəstəyi və “Qarabağ” Azərbaycan Etnomədəni Birliyinin təşkilatçılığı ilə yaradılmış Azərbaycan guşəsində xalqımızın qədim taixini, zəngin mədəniyyətini, milli adət-ənənələrini və mətbəxini əks etdirən nümunələr nümayiş etdirilib.

Türküstan vilayəti akiminin müavini Beysenbay Tajibayev və digər rəsmi şəxslər Azərbaycan guşəsini ziyarət ediblər.

“Qarabağ” Etnomədəni Birliyinin sədri Ramilə Mustafayeva Azərbaycan guşəsinə böyük maraq göstərən Qazaxıstanın yerli kütləvi informasiya vasitələrinə müsahibələrində milli mətbəximiz, süfrə mədəniyyətimiz barədə ətraflı məlumat verib və Azərbaycan icması adından qazax xalqını Novruz bayramı münasibətilə təbrik edib. Birlik sədri bu festivalda yüksək səviyyədə iştiraklarına görə Diasporla İş üzrə Dövlət Komitəsinə minnətdarlığını bildirib.

Festival türk dövlətlərindən olan bütün nümayəndələrin müxtəlif təamlar, o cümlədən Azərbaycan milli təamlarının düzüldüyü eyni süfrə arxasına keçməsi ilə yekunlaşıb. Süfrə arxasında çıxış edən rəsmilər türk dünyasının bütövlüyündən və həmrəyliyindən danışıb, Novruz bayramını türk xalqlarını birləşdirən ən böyük milli adət-ənənələrdən biri adlandırıblar. Onlar bütün türk dövlətlərinə, o cümlədən Azərbaycana böyük sevgilərini ifadə ediblər.

Tədbirdə Diasporla İş üzrə Dövlət Komitəsinin Qazaxıstana ezam olunan əməkdaşları da iştirak ediblər.

 


29 Mar 2024
Siyasət

Ankarada Azərbaycan Evi açılıb

Ankarada Keçiören Bələdiyyəsinin nəzdində yerləşən Esterqon Muzeyində Azərbaycan Evi açılıb.

29 Mar 2024
Siyasət

Paytaxtın hansı küçələrində sıxlıq var? - SİYAHI + FOTO

Bakının bəzi küçə və prospektində nəqliyyatın sıxlığı müşahidə olunur.

29 Mar 2024
Siyasət

Keçmiş məcburi köçkünlərin daha bir qrupu doğma Füzuli şəhərinə qayıdır - VİDEO

Prezident İlham Əliyevin tapşırığına uyğun olaraq, Füzuli şəhərinə növbəti köç karvanı yola salınıb.

29 Mar 2024
Siyasət

Azərbaycan və Ermənistan parlamentlərinin rəhbərləri may ayında görüşəcəklər - VİDEO

Azərbaycan və Ermənistan parlamentlərinin rəhbərləri Sahibə Qafarova və Alen Simonyan mayın ortalarında növbəti görüşlərini keçirəcəklər.