Prezident: “Müslümün öz doğma torpağına bağlılığı onun yaradıcılığında da özünü göstərib”

Prezident: “Müslümün öz doğma torpağına bağlılığı onun yaradıcılığında da özünü göstərib”
17 Avq 2022 14:01


“Müslümün öz doğma torpağına bağlı olması onun yaradıcılığında da özünü göstərib. Azərbaycana, Odlar Yurduna, Xəzər dənizinə həsr edilmiş onun bəstələdiyi mahnılar nə qədər əzəmətlidirsə, o qədər də Vətənə sevgi ilə dolu olan mahnılardır. O mahnılar bu gün də yaşayır və əbədi yaşayacaq”.

Bu fikirləri Prezident İlham Əliyev Bakının Dənizkənarı Milli Parkında Müslüm Maqomayevin abidəsinin açılış mərasimindəki çıxışında səsləndirib.

Müslümün bəstələdiyi son mahnı barədə danışan dövlətimizin başçısı deyib:

“Biz bu mahnını Bakıda Filarmoniya zalında Müslümlə vida mərasimində eşitdik və çox təsirləndik, çox duyğulandıq. Çünki bilmirdik ki, bu mahnı yazılıb, Müslim özü onu bəstələyib. O mahnının adı “Əlvida, Bakı” idi və o anlayırdı ki, artıq Bakıya gələ bilməyəcək, ən sevimli şəhərə gələ bilməyəcək, bu küçələrdən keçə bilməyəcək, Bakıdakı dostları ilə görüşə bilməyəcək. Təsəvvür etmək çətindir ki, onun kimi həyatı sevən, onun kimi, necə deyərlər, dostlarla bir yerdə olmaq həvəsində olan adam, bax, bu vida mahnısını bəstələyir və bizimlə, şəhərlə vidalaşır. Eyni zamanda, bu, onu göstərir ki, hətta sağlamlığı o qədər də yaxşı olmayan vəziyyətdə onun istedadı, onun böyük sənətkar olması yenə də yerində idi”.

Prezident qeyd edib ki, Müslüm bizimlədir, bu gün Bakıdadır, onun gözəl abidəsi bu gün açılacaq və Bakı heç vaxt onu unutmayacaq. Azərbaycan xalqı heç vaxt onu unutmayacaq. Onun xatirəsi onu tanıyanların qəlbində yaşayacaq, onun möhtəşəm səsi, onun sənəti əbədi yaşayacaq.

7 Okt 2022
Siyasət

674 adda vəzifədə qadınların işləməyinə qoyulan qadağa ləğv edilir

Əmək Məcəlləsinə təklif olunan dəyişikliklər 674 adda peşədə (vəzifədə) qadınların əməyinə qoyulan qadağanı ləğv edir, yalnız hamilə və ya bir yaşınadək uşağı olan qadınlara 204 iş yeri və ya peşədə işləməyə məhdudiyyət qoyur.

7 Okt 2022
Siyasət

Ərdoğan: “Putin bizə təşəkkür etdi”

Türkiyə Prezidenti Rəcəb Tayyib Ərdoğan rusiyalı həmkarı Vladimir Putinlə telefon danışığı ilə bağlı açıqlama verib.

7 Okt 2022
Siyasət

Ölkədə COVID-19 əleyhinə peyvənd olunanların sayı açıqlanıb - FOTO

Azərbaycanda son sutkada koronavirus (COVID-19) əleyhinə 728 vaksin vurulub.

7 Okt 2022
Siyasət

Azərbaycanda daha 90 nəfər COVID-19-a yoluxub - FOTO

Azərbaycanda son sutkada koronavirus (COVID-19) infeksiyasına 90 yeni yoluxma faktı qeydə alınıb, 129 nəfər müalicə olunaraq sağalıb.

7 Okt 2022
Siyasət

“Bakı Metropoliteni” sentyabr ayı ərzində daşıdığı sərnişinlərin sayını açıqladı

Sentyabr ayı ərzində “Bakı Metropoliteni” 18 milyon 336 min 117 sərnişin daşıyıb.