Rusiyanın Azərbaycanlı Gənclər Təşkilatının (AMOR) fəxri sədri Leyla Əliyevanın təşəbbüsü ilə ilk dəfə olaraq Rusiyanın Sibir Federal Dairəsinin hər yerindən 100-dən çox insanın iştirak etdiyi AMOR Sibir Forumu keçirilib. Forumun əsas məqsədi AMOR-un regional və mərkəzi bölmələri arasında daha səmərəli qarşılıqlı fəaliyyət üçün platforma yaratmaq, həmçinin Abakan, Barnaul, Blaqoveşensk, Kemerovo, Novokuznetsk, Novosibirsk, Norilsk və Omsk kimi təşkilatın ən ucqar regional bölmələrinin nümayəndələri arasında canlı ünsiyyət və əməkdaşlığı təmin etməkdir.
Forum zamanı regional bölmələrin nümayəndələri könüllülük, ekologiya və sağlam həyat tərzi sahəsində ideyaları müzakirə edib, cari və qarşıda duran tədbirlər haqqında məlumat mübadiləsi aparıblar. AMOR-un Krasnoyarsk bölməsi Sibir Federal Universitetində təhsil alan azərbaycanlı tələbələrin fəaliyyətini təqdim etməklə öz təcrübəsini qonşu rayonlarla bölüşüb. Daha sonra regional bölmələrin inkişaf vektoru qeyd edilib və qarşıda duran hədəflər müəyyən edilib.
Forum iştirakçıları Krasnoyarsk diyarının Xalqlar Dostluğu Evi, eləcə də uşaq evinə baş çəkib, təşkilatın ənənəvi ekoloji aksiyasına çevrilmiş ağac əkimini həyata keçirib. Bu aksiyada yerli gənclər və uşaq evinin sakinləri da iştirak edib.
Xatırladaq ki, Krasnoyarskda keçirilən forum AMOR-un beşinci regionlararası forumu olub.
Azərbaycan Respublikasının Prezidenti İlham Əliyev Şuşa rayonunun Turşsu qəsəbəsinin təməlini qoyub.
Azərbaycan Respublikasının Prezidenti İlham Əliyev Xankəndi-Şuşa-Laçın avtomobil yolunda görülən işlərlə tanış olub.
Azərbaycan Respublikasının Prezidenti İlham Əliyev Əhmədbəyli-Füzuli-Şuşa avtomobil yolunda aparılan işlərlə tanış olub, bu yolda inşa edilmiş birinci tunelin açılışında iştirak edib.
Azərbaycan dövlətinin memarı və qurucusu, dünya şöhrətli siyasi xadim, Heydər Əliyevin anadan olmasının 101-ci ildönümü ilə əlaqədar İqtisadiyyat Nazirliyinin rəhbərliyi və kollektivi Fəxri xiyabanda ulu öndər Heydər Əliyevin məzarı önünə gül dəstələri düzüblər, xatirəsini ehtiramla yad ediblər.
