“Azərsu” şaxtalı hava şəraiti ilə bağlı istehlakçılara müraciət edib (FOTO)

“Azərsu” şaxtalı hava şəraiti ilə bağlı istehlakçılara müraciət edib (FOTO)
14 Yan 2022 16:32

“Azərsu” Açıq Səhmdar Cəmiyyəti qeyri-sabit və şaxtalı hava şəraiti ilə əlaqədar istehlakçılara müraciət edib.

"Qeyri-sabit və şaxtalı hava şəraiti olan günlərdə içməli su xətlərinin və sayğacların donvurmadan mühafizəsinə ciddi diqqət yetirilməlidir.

“Azərsu” Açıq Səhmdar Cəmiyyəti istehlakçıların diqqətinə çatdırır ki, fərdi yaşayış evlərində və həyətyanı sahələrdə, eləcə də kommersiya obyektlərində quraşdırılmış sayğacların şaxtalı günlərdə donvurma nəticəsində sıradan çıxmasının qarşısını almaq üçün zəruri qabaqlayıcı tədbirlər görülməlidir.

Şaxtanın daha çox olduğu gecə saatlarında sayğacın içərisində suyun qalmaması üçün sayğacın giriş ventili bağlanmalı, çıxış ventili açıq saxlanmalı, sayğac qutularının qapağı bağlı olmalıdır. Donvurmadan mühafizə tədbirləri kimi sayğacların üzərləri yun, yun parça kimi isti örtüklərlə sarınmalı və ya sayğac qutusunun içinə quru ağac yonqarı yığmaqla əhatə olunması tövsiyə edilir.

Abonentlər şaxtalı hava şəraitində içməli su təchizatı və sayğacların istismarında qarşılaşdıqları problemlərlə bağlı “Azərsu” ASC-nin 24 saat fəaliyyət göstərən 955 “Qaynar xətt” xidmətinə müraciət edə bilərlər.

Abonentlərin diqqətinə çatdırılır ki, Azərbaycan Respublikası Nazirlər Kabinetinin 17 iyul 2014-cü tarixli 262 saylı Qərarı ilə təsdiq edilmiş “Sudan istifadə Qaydaları”nın 6.4-cü bəndinə əsasən mənzillərdə, fərdi yaşayış evlərində və həyətyanı sahələrdə quraşdırılmış suölçən cihazların (sayğacların) işlək vəziyyətdə saxlanılmasına istehlakçı cavabdehlik daşıyır. Fərdi yaşayış evlərində və həyətyanı sahələrdə, eləcə də qeyri-əhali istehlakçıları üçün quraşdırılımış sayğaclar istənilən kənar müdaxilə nəticəsində zədələnərək sıradan çıxarsa (sayğacların sındırılması, şaxtalı günlərdə donvurma nəticəsində sıradan çıxması və s.) onların yenilərilə əvəzlənməsi abonentin hesabına həyata keçirilir".


24 Yan 2022
Cəmiyyət

Vilayət Eyvazov DYP rəisinin müavinini təqaüdə göndərib - EKSKLÜZİV

Baş Dövlət Yol Polisi İdarəsinin rəis müavini polis polkovniki Elşən Kazımov təqaüdə göndərilib.

24 Yan 2022
Cəmiyyət

İstanbul-Bakı aviareysi təxirə salındı

“Türk Hava Yolları” (THY) aviaşirkəti bu gün üçün 334 saylı İstanbul-Bakı və 335 saylı Bakı-İstanbul reyslərini təxirə salıb.

24 Yan 2022
Cəmiyyət

Zakir Həsənov İrana niyə gedir? - ŞƏRH

Azərbaycanla İran arasında hərbi sahədə əməkdaşlıq illərin müzakirə mövzusu olsa da, iki ölkə arasındakı dəyişkən münasibətlər bu zəmini formalaşdırmayıb.

24 Yan 2022
Cəmiyyət

Azərbaycanda pul kütləsi artıb

Cari ilin dekabr ayında manatla geniş mənada pul kütləsi ilin əvvəlinə nəzərən 17.6% artaraq 23,874.9 mln. manat təşkil edib.