Qazilərin müalicəsinin Azərbaycanda mümkün olmaması faktı təsdiqləndikdə, "YAŞAT" Fondu hesabına onlar xarici ölkəyə göndərilir.
bunu Fondun rəhbəri Elvin Hüseynov Real TV-yə müsahibəsi zamanı deyib.
E.Hüseynov bildirib ki, bunun üçün Azərbaycanın aidiyyəti səhiyyə təşkilatlarının sənədi olmalıdır:
"Sözügedən sənəd fonda daxil olduqdan sonra biz müalicə üçün Türkiyə ilə danışıqlara başlayırıq. Bu günə qədər 150 qazimiz fondun dəstəyi ilə Türkiyəyə göndərilib. Onlardan 117-si vətənə geri qayıdıb. Hal-hazırda 33 ağır yaralı qazimizin müalicəsi Türkiyənin müxtəlif xəstəxanalarında davam etdirilir", - deyə o bildirib.
Fond rəhbəri müalicə üçün Türkiyənin seçilməsinin səbəblərini də açıqlayıb:
"İlk növbədə ünsiyyət, kommunikasiya baxımından hər hansı bir problem yaşanmır. Eyni zamanda Türkiyə bizə qardaş ölkədir. Biz əmin olmalıyıq ki, qazilərimiz güvənli, etibarlı əllərdədir. Onlar bizim qazilərimizə öz qaziləri kimi yanaşacaqlar. Bu həqiqətən də belədir", - deyə E.Hüseynov vurğulayıb.
Rəqəmsal İnkişaf və Nəqliyyat Nazirliyinin tabeliyindəki Azərbaycan Yerüstü Nəqliyyat Agentliyinin (AYNA) işğaldan azad olunmuş ərazilərə təşkil etdiyi müntəzəm avtobus reyslərinə may ayı üçün biletlər 26 aprel 2024-cü il saat 11:00-da satışa çıxarılacaq.
Malıbəylidə ən azı altı nəfərə aid olduğu ehtimal edilən sümük fraqmentləri aşkar edilib.
Dövlət İmtahan Mərkəzinin aprelin 28-də ali təhsil müəssisələrinin magistraturalarına keçirəcəyi qəbul imtahanında (II cəhd) 19716 bakalavr iştirak edəcək.