Xətai rayonunda Vətən Müharibəsi şəhidi leytenant Əliyev Samir Əliheydər oğlunun anım günü ilə əlaqədar II Fəxri Xiyabandakı məzarı ziyarət olunub.
Tədbirdə Xətai rayon İcra Hakimiyyətinin rəhbərliyi, ictimaiyyət nümayəndələri, şəhidin döyüş yoldaşları, oxuduğu məktəbin kollektivi, ailə üzvləri və qohumları iştirak ediblər.
Sayğı duruşu və Azərbaycanın dövlət himni səsləndikdən sonra çıxış edənlər Ali Baş Komandan İlham Əliyevin rəhbərliyi ilə ötən il sentyabrın 27-dən başlanan və şanlı Qələbə ilə sona çatan Vətən müharibəsi zamanı canlarını fəda edən oğullarımızın xatirəsinin həmişə qəlbimizdə yaşayacağını bildiriblər.
Haqq yolunda ölümün gözünə dik baxan şəhidlərimizə Allahdan rəhmət diləyiblər.
Məktəblilərin ifasında ədəbi - bədii kompozisiya təqdim olunub.
Şəhidin ailə üzvləri göstərilən diqqət və qayğıya görə minnətdarlıqlarını bildiriblər.
Bu gün Füzuli şəhərinə köçən ailələrə mənzillərinin açarları təqdim olunub.
Bu gün Azərbaycan elminin, ədəbiyyatının, təhsilinin inkişafında misilsiz xidmətlər göstərmiş xeyirxah insan, görkəmli yazıçı, böyük alim Mir Cəlal Paşayevin anadan olmasından 116 il keçir.
