Şərqi Finlandiya Universitetinin alimləri bildirirlər ki, çoxlu spirtli içki içən yeniyetmələr baş beynin yaddaşa, emosiyalara, qərarların qəbul edilməsinə və özünənəzarətə cavabdeh olan mühüm strukturunun - boz maddənin çatışmazlığından əziyyət çəkirlər. Üstəlik, genetik amillər səbəbindən beynində boz maddə qıtlığı olan cavanlar spirtli içkilərə daha meyilli olurlar.
AZƏRTAC “healthvesti.com” saytına istinadla xəbər verir ki, mütəxəssislər tədqiqat zamanı 60-dan çox gənci müayinə ediblər. Tədqiqatda iştirak edən yeniyetmələr nə qədər və hansı tezliklə spirtli içki içmələri barədə anket doldurublar. 35 yeniyetmə spirtli içki düşkünü kateqoriyasına aid edilib. Nəticələr göstərib ki, baş beynin müəyyən nahiyələrində boz maddənin miqdarı az olan yeniyetmələr spirtli içkilərə daha çox qurşanırlar.
Müəyyən edilib ki, spirtli içkiləri çox içmək sosial təcrid, psixi sağlamlıq problemləri və təhsil səviyyəsinin aşağı olması ilə də bağlıdır. Bu cür yeniyetmələrin həyəcanlılıq səviyyəsi yüksək olur, onlar çoxlu siqaret çəkir və narkotik vasitələrdən istifadə edirlər.
Mütəxəssislər bildirirlər ki, baş beyin neyronlarının çox hissəsi boz maddənin tərkibindədir. Buna görə də onun miqdarının azalması psixi sağlamlığı pozur. Spirtli içkidən vaxtında imtina etmək sayəsində boz maddənin miqdarı arta bilər.
Bu gün Azərbaycan Dövlət Su Ehtiyatları Agentliyinin sədri Zaur Mikayılov Zaqatala Suvarma Sistemləri İdarəsinin inzibati binasında Zaqatal, Balakənvə digər rayonlardan olan vətəndaşları qəbul edib, onların müraciətlərini dinləyib, ərizə və şikayətlərinə baxıb.
Azərbaycan Respublikasının xarici işlər naziri Ceyhun Bayramov Fələstin Dövlətinin Baş naziri, eləcə də xarici işlər və xaricdə yaşayan fələstinlilər üzrə naziri Məhəmməd Mustafa ilə telefon danışığı aparıb.
Bakıda və Abşeron yarımadasında hava şəraitinin dəyişkən buludlu olacağı, əsasən yağmursuz keçəcəyi gözlənilir. Mülayim şimal-qərb küləyi əsəcək.
Müdafiə naziri general-polkovnik Zakir Həsənovun təsdiq etdiyi cari ilin hazırlıq planına əsasən, Hərbi Dəniz Qüvvələrinin (HDQ) Hərbi Hava Qüvvələri (HHQ) ilə birgə “Xəzər səması-2024” hava hücumundan müdafiənin təşkili mövzusunda taktiki təlimi keçirilib.
