Yeni texnologiya optik-lif rabitə kanallarından daha effektiv istifadəyə imkan verəcək.
AZƏRTAC “4PDA” resursuna istinadən xəbər verir ki, internet şəbəkəsində ötürülən məlumatların həcminin hər ay artması ilə əlaqədar mütəxəssislər qitələr arasında trafikin çatdırılması üçün yeni üsullar axtarmaq məcburiyyətində qalırlar. Hazırda iki belə üsul mövcuddur. Birincisi bahalı peyk interneti, digəri transokean optik-lif magistralıdır. Onların sayı durmadan artır, lakin problem kabel magistrallarının çəkilişinin çox zəif getməsi və baha olmasındadır. “Facebook” və “Nokia” şirkətləri ayrı-ayrı rabitə kanallarının məhsuldarlığının artırılması üsulunu kəşf edərək onların buraxılış qabiliyyətini təxminən 2,5 dəfə artırmağa nail olublar. Texnologiyanın geniş tətbiqi sayəsində artıq çəkilmiş optik-lif rabitə kanallarından daha effektiv istifadə mümkün olacaq.
Texnologiyanın mahiyyəti sürətin xeyli artırılmasını təmin edən kvadratura modulyasiyasının tətbiqindən ibarətdir. Nyu-York və İrlandiya arasında uzunluğu 5471 kilometr təşkil edən kommersiya optik-lif kanalında keçirilən testlərdə kommersiya xətlərində sürəti 200 giqabit/saniyəyədək artırmaq mümkün olub, eksperimental şəbəkədə isə sürət 250 giqabit/saniyəyədək yüksəlib. Kvadratura modulyasiyası potensial baxımdan maksimum sürəti optik-lif həddinə çatdırmaq iqtidarındadır. Gələcəkdə “Facebook” və “Nokia” optik-lif rabitə kanalı ilə məlumatların ötürülmə sürətini saniyədə 32 terabitədək artırmağı planlaşdırırlar.
Almaniyanın xarici işlər naziri Heiko Maas hesab edir ki, İsrail HƏMAS-ın raket hücumlarından qorunmaq hüququndan istifadə edir.
İsrail ordusu HƏMAS üzvlərinin evlərinə və ofslərinə raket zərbələri endirib.
Qazaxıstanda ötən sutka ərzində yeni növ koronavirusa (COVİD-19) 2 459 yoluxma halı qeydə alınıb.
