Süd vəzisindəki toxuma sıxlığının bədxassəli şişin əmələ gəlməsinin əsas səbəblərindən biri olduğu müəyyən edilib.
AZƏRTAC Zdorovye.ru saytına istinadla xəbər verir ki, alimlər bu qənaətə 200 min amerikalı qadın üzərində aparılan tədqiqatın nəticəsində gəliblər. Araşdırmalarda iştirak edənlərin 18 minində döş xərçəngi aşkar edilib. Alimlər qadınları hüceyrə sıxlığı səviyyəsinə görə qruplara ayırıblar. A qrupuna daxil olanların sinələri tamamilə yumşaq piy hüceyrələrindən, D qrupunun iştirakçılarının isə ümumi döş toxumalarının təxminən 75 faizinin sıx vəzi toxumasından ibarət olduğu aşkarlanıb. Alimlər aparılan tədqiqatın nəticələrini daha öncə elmə bəlli olan risk faktorları ilə müqayisə edib, onların hər birinin bədxassəli şişin əmələgəlmə ehtimalına nə qədər təsir etdiyini hesablayıblar.
Nəticədə bəlli olub ki, digər amillərə nisbətən toxuma sıxlığı bədxassəli şişin əmələgəlmə ehtimalı artırır. Belə ki, hesablamalara görə menopauza dövrünə çatmamış gənc qadınların 39 faizində döş xərçənginin riskini toxuma sıxlığını azaltmaqla aradan qaldırılması mümkündür.
Ölkədə şəkərli diabet xəstələrinin dərmanlarla təminatında ciddi problemlər var.
Rusiyalı diyetoloq Yevgeniya Deqtyannikova qanda hemoqlobinin səviyyəsini artırmağa kömək edən bir sıra məhsullar haqqında fikirlərini bölüşüb.
İnsanlarda görmə kəskinliyi statik (stasionar) və dinamik (hərəkətli) şəraitdə kiçik detalları tanımaq qabiliyyəti ilə qiymətləndirilir.
24-26 may tarixlərində, La Roche-Posay Azərbaycanın, Аzərbaycan Dermatoveneroloqlar Assosiasiyasının, Bakı Pataloji mərkəzinin təşkilatçılığı və Zəfəran Hospitalın dəstəyi ilə “Dəri xərçənginin diaqnostikası günləri” aksiyası keçiriləcəkdir.
Hamiləlik zamanı qadının orqanizmi çox ciddi yükləmələrə məruz qalır. Qadının orqanizmində yeni həyat inkişaf edir və bu həyatın normal inkişafı üçün müxtəlif vitaminlər, mikroelementlər və s. maddələr lazımdır. Hamiləlik zamanı hətta bir vacib vitaminin və ya mikroelementin çatışmazlığı həm uşağın inkişafına, həm də qadının səhhətinə mənfi təsir edir. Məsələn, uşağın sümüklərinin formalaşmasına və böyüməsinə çoxlu miqdarda kalsium elementi lazımdır. Bu element ananın orqanizminə lazım olan miqdarda daxil olmadıqda, körpədən çox ana əziyyət çəkir. Körpə ananın orqanizmindən özünə lazım olan kalsiumu sovurur ki, bunun nəticəsində ananın dişlərindən, sümüklərindən, saçlarından kalsium yuyulur. Məhz bu səbəbdən qadının orqanizmində hamiləlikdən öncə kalsium defisiti varsa və ya hamiləlik zamanı lazım olan miqdarda kalsium qəbul etmirsə, o zaman qadınlarda dişlər ovulmağa başlayır, saçlar tökülür, ayaqlarda qıcolmalar olur.
