Miqrasiya və qaçqın problemi beynəlxalq ictimaiyyəti narahat edən məsələlərdən biridir. Həmin problemlər birgə yaşamın həllini və beynəlxalq əməkdaşlığı zəruri edir.
Trend-in məlumatına görə, bunu Azərbaycan xarici işlər nazirinin müavini Xələf Xələfov AŞPA-nın Miqrasiya, qaçqınlar və məcburi köçkünlər komitəsinin bu gün Bakıda keçirilən iclasında deyib.
X.Xələfov bildirib ki, miqrasiya və qaçqın problemi beynəlxalq təhlükəsizliyi təhdid edir, digər ölkələrin ərazilərinə müdaxiləyə, separatçı rejimlərin yaradılmasına əsaslanır.
Nazir müavini bildirib ki, müstəqilliyi bərpa edəndən sonra Azərbaycan Ermənistan tərəfindın təcavüzə məruz qalıb və ərazilərin 20 faizi işğal olunub: “Bunun nəticəsində bir milyondan çox qaçqın və məcburi köçkün problemi yaranıb və regionda humanitar problemləri dərinləşdirib”.
X.Xələfov bildirib ki, Azərbaycan hökuməti qaçqın və məcburi köçkünlərin həyat şəraitinin yaxşılaşdırılması sahəsində nəzərəçarpacaq irəliləyiş əldə edib: “Azərbaycan hökuməti qaçqn və məcburi köçkünlərin həyatının yaxşılaşdırılması ilə bağlı tədbirlər həyata keçirir. Lakin həmin insanların hüquqları tam şəkildə doğma torpaqlarına qayıtmaları ilə bərpa ediləcək. Məcburi köçkünlərin ədalətlə və təhlükəsiz qayıtması üçün Azərbaycan böyük qayıdış proqramı tərtib edib. Bu yaxınlarda Cəbrayılda işğaldan azad edilmiş Cocuq Mərcanlı kəndinin bərpasına başlayıb və həmin kəndə insanların ədalətli və təhlükəsiz şəkildə qaytması təmin ediləcək”.
Nazir müavini bildirib ki, Azərbaycanın işğal edilmiş əraziləri Ermənistan tərəfindən narkotik maddələrin qanunsuz dövriyyəsi, insan və silah alveri üçün istifadə edilir: “Azərbaycan BMT-dən bunun qarşısını almaq üçün tədbirlərin görülməsini xahiş edib”.
X.Xələfov vurğulayıb ki, beynəlxalq ictimaiyyət Dağlıq Qarabağ münaqişəsinin həllinə ikili standartlarla yanaşır və bu da münaqişənin həllini yubadır.
X.Xələfov sonra deyib ki, Ermənistan Suriya və Livandan olan erməniləri işğal olunmuş Azərbaycan ərazilərinə köçməyə təşviq edir. Nazir müavini qeyd edib ki, beynəlxalq ictimaiyyət Ermənistanın bu avantürasına qiymət verilməlidir.
Nazir müavini bildirib ki, Ermənistan tərəfindən Azərbaycan xalqına qarşı soyqırım və insanlığa qarşı cinayətlər törədilib: “1992-ci ildə Xocalı şəhərində əhaliyə qarşı soyqırım törədilib. Bu soyqırım bir sıra dövlətlər tərəfindən soyqırım kimi tanınsa da, bəzi dövlətlər buna biganə yanaşır. Bu, yolverilməzdir”.
X.Xələfov qeyd edib ki, Azərbaycan işğal olunmuş ərazilərini tezliklə azad edəcək, qaçqın və məcburi köçkünlərin problemləri həllini tapacaq: “Beynəlxalq birlik bu məsələdə Azərbaycana dəstək verməlidir”.
Almaniyada işgüzar səfərdə olan Azərbaycan Prezidenti İlham Əliyevin bu ölkənin xarici işlər naziri Annalena Berbok ilə görüşü keçirilir.
“Biz istənilən ölkə kimi öz media məkanımızı xarici neqativ təsirdən qorumalıyıq və hər kəs qanunlara əməl etməlidir”.
“Avropada təbii qaza - yeni mənbələrdən olan qaza tələb artır.
