Vyetnamda ümummilli lider Heydər Əliyevin xatirəsi anılıb

Vyetnamda ümummilli lider Heydər Əliyevin xatirəsi anılıb
12 Dek 2016 17:16

Bu gün Azərbaycanın Vyetnamdakı səfirliyində ümummilli lider Heydər Əliyevin xatirəsinə həsr olunmuş anım mərasimi keçirilib.

Səfirlikdən Trend-ə verilən məlumata görə, tədbirdə Vyetnam Kommunist Partiyasının, Xarici İşlər Nazirliyinin, digər dövlət qurumlarının rəsmiləri, habelə Azərbaycan təhsil ocaqlarının vyetnamlı məzunları və kütləvi informasiya vasitələrinin nümayəndələri iştirak ediblər.

Mərasimi giriş sözü ilə açan səfir A.İmanov Heydər Əliyevin müasir, inkişaf edən, güclü və həqiqi müstəqil Azərbaycan dövlətinin banisi olduğunu xüsusi vurğulayaraq dünya səviyyəli siyasətçi olan ulu öndərin həm Sovet İttifaqı, həm də Azərbaycanın müstəqilliyinin bərpa olunduqdan sonrakı dövlərində ölkəmizə uğurlu rəhbərlik etdiyini bildirib. Səfir məhz Heydər Əliyevin rəhbərliyi ilə ölkəmizdə müxtəlif istiqamətlər üzrə, o cümlədən, iqtisadiyyat, mədəniyyət və sosial sahələrində aparılan əməli islahatlar nəticəsində Azərbaycanın SSRİ-nin qabaqcıl respublikalarından birinə çevrildiyini vurğulayıb.

Xalqın istəyi ilə ölkəmiz üçün taleyüklü zamanda Heydər Əliyevin ikinci dəfə hakimiyyətə qayıtdığına işarə edən A.İmanov bununla Azərbaycan tarixində yeni səhfənin açıldığını qeyd edib. A.İmanov həmin zaman çox çətin dövrünü yaşayan Azərbaycanın rəhbərliyinə qayıdan Heydər Əliyevin özünün uzaqgörənliyi ilə güclü siyasət və iqtisadiyyata malik Azərbaycanın təməlini qoyduğunu vurğulayıb. Səfir Heydər Əliyevin Azərbaycanın davamlı inkişafının təmin edilməsi üçün zəruri tədbirlər gördüyünü, o cümlədən yalnız ölkəmizin mənfəəti əsasında xarici ölkələr ilə münasibətlərin genişləndirdiyini, demokratikləşmə prosesinin başladığını və yeni neft strategiyasının əsasını qoyduğunu əlavə edib.

Eyni zamanda A.İmanov müharibədən sonra 1983-cü ildə SSRİ-nin ilk yüksək nümayəndə həyətinin rəhbəri kimi Nazirlər Şurasının Sədrinin birinci müavini qismində Heydər Əliyevin Vyetnama rəsmi səfər etdiyini xatırladaraq Ulu Öndərin şəxsi təşəbbüs nəticəsində qəbul etdiyi qərarlar ilə həm Vyetnamın sürətli daxili inkişafına, həm də Azərbaycan ilə qarşılıqlı faydalı əməkdaşlığın qurulub genişləndirilməsinə əvəzsiz töhfə verdiyini qeyd edib.

Həmçinin səfir ümummilli lider Heydər Əliyevin siyasətinin bu gün də onun layiqli davamçısı Prezident İlham Əliyevin uğurla davam etdirməsi nəticəsində Azərbaycanın Cənubi Qafqaz regionunun aparıcı dövlətinə çevrildiyini bildirib.

Səfirin çıxışından sonra ulu öndər Heydər Əliyevin xatirəsi bir dəqiqəlik sükutla yad edilib.

Daha sonra tədbirdə iştirak edən “Azərbaycanın Mədəniyyəti və Tarixinin Araşdırmaları” Mərkəzinin rəhbəri Dao Xuan Tien Heydər Əliyevin şah əsəri olan Azərbaycanın bügünkü sürətli inkişafının canlı şahidləri olduğunu söyləyərək bu dünya səviyyəli şəxsiyyətin Vyetnamın müharibədən sonrakı quruculuq işlərinə verdiyi töhfənin xalqının yaddaşından heç bir zaman silinməyəcəyini vurğulayıb.

Tədbir zamanı iştirakçılara Heydər Əliyevin siyasi fəaliyyətini əks etdrən sənədli film nümayiş etdirilib.


1 Mar 2024
Siyasət

Ceyhun Bayramov Antalyada Sergey Lavrovla görüşdü - YENİLƏNİB + FOTO

Azərbaycan Respublikasının xarici işlər naziri Ceyhun Bayramov Antalya Diplomatiya Forumu çərçivəsində Rusiya Federasiyasının xarici işlər naziri Sergey Lavrov ilə görüşüb.

1 Mar 2024
Siyasət

Ələt Azad İqtisadi Zonasının ərazisində karqo hava limanı inşa ediləcək

Almaniya Şərqi Biznes Assosiasiyasının təşkilatçılığı ilə Assosiasiyanın icraçı direktoru Maykl Harmsın rəhbərliyi altında aparıcı alman şirkətlərindən ibarət nümayəndə heyəti Ələt Azad İqtisadi Zonasını (ƏAİZ) ziyarət edib.

1 Mar 2024
Siyasət

Yaxın günlərdə Füzuli şəhərinə daha 139 ailə köçürüləcək - FOTO

Martın 1-də Qaçqınların və Məcburi Köçkünlərin İşləri üzrə Dövlət Komitəsində Füzuli şəhərinə növbəti mərhələdə köçürüləcək ailələr arasında püşkatma keçirilib.

1 Mar 2024
Siyasət

İlham Əliyevin Albaniyanın baş naziri ilə təkbətək görüşü olub - YENİLƏNİB + FOTO

Martın 1-də Azərbaycan Respublikasının Prezidenti İlham Əliyevin Albaniya Respublikasının Baş naziri Edi Rama ilə təkbətək görüşü olub.

1 Mar 2024
Siyasət

Ceyhun Bayramovun Antalyada Sergey Lavrovla görüşü başladı

Azərbaycan və Rusiya xarici işlər nazirlərinin görüşü keçirilir.