Vergilər naziri Fazil Məmmədov “MasterCard” ödəniş sistemini xidmət haqlarını azaltmağa çağırıb.
REALPRESS.Az APA-ya istinadən xəbər verir ki, Azərbaycanda Amerika Ticarət Palatası (“AmCham-Azerbaijan”) və Vergilər Nazirliyinin birgə təşkil etdiyi “Şəffaflığa doğru birlikdə” mövzusunda keçirilən vergi konfransında nazir adıçəkilən şirkətin nümayəndəsinin vergi yükünün çox olması ilə bağlı iradına cavab olaraq qeyd edib ki, “MasterCard”ın bəzi xidmətlərə tətbiq etdiyi faiz dərəcələri bəzi vergi dərəcələrindən yüksəkdir.
“Bu şikrət iddia edir ki, vergi dərəcələri yüksəkdir, vergi yükü çoxdur. Lakin heç kəsə sirr deyil ki, “MasterCard”ın bəzi xidmətlərə tətbiq etdiyi faiz dərəcələri vergi dərəcələrindən yüksəkdir. Məsələyə ədalətli yanaşmaq lazımdır”.
Azərbaycan Mərkəzi Bankı 25 sentyabr tarixindən etibarən valyuta məzənnələrini açıqlayıb.
Azərbaycanın dünya bazarına çıxararaq satdığı "Azeri LT CIF" markalı xam neftin qiyməti 0,34 ABŞ dolları, yaxud 0,81% artıb.
