Valyuta əməliyyatlarının aparılması qaydalarında yenilik

Valyuta əməliyyatlarının aparılması qaydalarında yenilik
08 Dek 2016 09:15

Tədiyə balansının və valyuta bazarının tarazlaşdırılmasında mühüm rol oynayan valyuta nəzarəti mexanizminin effektivliyinin artırılması məqsədilə Azərbaycan Respublikası Mərkəzi Bankının İdarə Heyətinin 28.11.2016-cı il tarixli 45/1 nömrəli qərarı ilə “Azərbaycan Respublikasının rezident və qeyri-rezidentlərinin xarici valyuta əməliyyatlarının aparılması Qaydaları” yeni redaksiyada qəbul edilmişdir.

Qaydalarda cari valyuta əməliyyatlarında, o cümlədən təhsil və müalicə haqlarının köçürülməsi ilə bağlı valyuta ödənişlərində sərbəstlik saxlanılmaqla bəzi köçürmələrdə müəyyən limitlərin tətbiqi (hesab açmadan və şəxsi məqsədlər üçün aparılan köçürmələrdə rezident və qeyri-rezident fiziki şəxsin bir əməliyyat günü ərzində 1000 (bir min) ABŞ dolları ekvivalentinədək, ay ərzində isə cəmi 10000 (on min) ABŞ dolları ekvivalentinədək maksimum məbləği, yaxın qohumlara köçürülən vəsaitin ay ərzində cəmi 10000 (on min) ABŞ dolları ekvivalentinədək) nəzərdə tutulur. Bununla bərabər rezidentlərin xarici banklardakı hesablarına pul köçürmələrinin aparılmasında mövcud sərbəstlik aradan qaldırılmışdır.

Eyni zamanda yeni Qaydalarda idxal müqavilələri üzrə avans ödənişləri müqabilində 180 gün müddətində malların və ya qabaqcadan ödənilmiş vəsaitin xaricdən geri qaytarılmasına bank nəzarəti tədbirləri müəyyən edilmişdir.

Qaydalarda xarici investisiyanın repartriasiyası, investisiyalar üzrə əldə edilən istənilən növ gəlirlərin məhdudiyyətsiz köçürülməsi rejimi dəyişdirilmədən olduğu kimi saxlanmışdır.

Qaydalar 2016-cı il dekabr ayının 8-dən qüvvəyə minir.  


2 Dek 2020
İqtisadiyyat

Qeyri-neft sektoru üzrə özəl şirkətlərin ixrac reytinqi AÇIQLANDI - FOTO

Bu ilin yanvar-oktyabr aylarında qeyri-neft sektoru üzrə özəl subyektlər 442,7 milyon dollarlıq ixrac həyata keçirib.

2 Dek 2020
İqtisadiyyat

Dövlət Neft Fondu gəlirlərini açıqlayıb

Azərbaycan Respublikası Dövlət Neft Fondu 2020-ci ilin yanvar-noyabr ayları ərzində Azəri-Çıraq-Günəşli və Şahdəniz üzrə ümumi 3 milyard 612 milyon ABŞ dolları həcmində gəlir əldə edib.

2 Dek 2020
İqtisadiyyat

Dünya bazarlarında təbii qaz yenidən ucuzlaşıb

Nyu-Yorkun NYMEX əmtəə birjasında təbii qaza olan fyuçers kotirovkalarının qiyməti azalıb.

2 Dek 2020
İqtisadiyyat

Azərbaycanda turizm sektorunda çalışanlar üçün təlimlər keçiriləcək

Azərbaycan Turizm Bürosunun nəzdində olan Turizm Təlim və Sertifikasiya Mərkəzi 2021-ci ilin ilk yarısı üçün təlim proqramını elan edib.