İyunun 17-də IDEA İctimai Birliyi və “Sevimli bala” təşkilatının birgə həyata keçirdiyi “Uşaqlar üçün ekoloji laboratoriya” layihəsi çərçivəsində növbəti laboratoriya təlimi keçirilib.
IDEA-dan AZƏRTAC-a bildirilib ki, uşaqların ətraf mühit və canlı aləm barədə biliklərinin artırılması məqsədini daşıyan Laboratoriyanın iyun təlimi tullantıların azaldılması, təkrar emalı və təkrar istifadəsi mövzusuna həsr olunub.
Təlim zamanı uşaqlara tullantılar və onların təkrar emalı prosesi izah edilib, bu prosesin planetimiz, xüsusilə də canlı aləm üçün əhəmiyyəti, insanın təbiətə mənfi və müsbət təsirləri, təbiətin qanunları haqqında geniş məlumat çatdırılıb.
"Kiçik ekoloqlar" tullantıların çeşidlənməsi, azaldılması və təkrar istifadəsi yolları ilə də tanış olmuş, istifadə olunmuş müxtəlif materiallardan ətraf mühitə yararlı yeni əşyalar hazırlamağı öyrəniblər. Təlim müddətində gənc təbiətsevərlər əyləncəli bilik yarışmalarında, bir sıra sınaqların keçirilməsində də iştirak ediblər.
Qeyd edək ki, "Eko laboratoriya"nın iştirakçılarına nümayiş olunan IDEA-nın plastik butulkalardan təkrar emal nəticəsində hazırlanmış bel çantası uşaqların xüsusilə böyük marağına səbəb olub.
IDEA İctimai Birliyi və "Sevimli Bala" təşkilatının birgə əməkdaşlığı ilə təşkil olunan iyun laboratoriyası uşaqlara maraqlı və əyləncəli gün bəxş etməklə yanaşı, həm də ətraf mühitin mühafizəsində vacib amillərdən hesab olunan tullantıların azaldılması və təkrar emalı proseslərini kiçik yaşlardan öyrənmələri baxımından mühüm töhfə verib.
Təlimin sonunda IDEA İctimai Birliyi və “Sevimli Bala” təşkilatı iştirakçılara xatirə hədiyyələri təqdim edib.
IDEA İctimai Birliyinin Bakı və Gəncə şəhərlərində yerləşən Resurs Mərkəzlərində hər ay təşkil olunan “Uşaqlar üçün ekoloji laboratoriya”da iştirakla bağlı IDEA ilə (Bakı şəhəri üçün: 012 497-63-16; Gəncə şəhəri üçün: 022 264-01-48) əlaqə saxlamaq xahiş olunur.
FHN əməkdaşı cüdo üzrə beynəlxalq turnirdə qızıl medal qazanıb.
Azərbaycan Avtomobil Yolları Dövlət Agentliyi Abşeronun rayonunun Aşağı Güzdək avtomobil yolunun yenidən qurulmasını başa çatdırıb.
Ölkəmizdə aparılan uğurlu aqrar siyasət, regionların sosial-iqtisadi inkişafı üzrə dövlət proqramlarına uyğun olaraq, yaradılan infrastruktur, suvarma və irriqasiya sistemləri, maliyyə dəstəyi və subsidiyalar, aqrar sektora vergi güzəştləri kəndliyə son illərdə bol məhsul yetişdirməsi üçün geniş imkanlar yaradıb.
