Rusiyalı bir qrup mütəxəssis tərəfindən məsaməli sümüklərin ultrayüksək molekulyar polietilen əsaslı implantları hazırlanaraq uğurla sınaqdan keçirilib.
REALPRESS - in məlumatına görə, implantlar zədələnmiş sümükləri qismən əvəz etmək üçün səmərəli istifadə oluna bilər.
Yeni tədqiqatın müəlliflərindən biri olan Fyodor Senatovun sözlərinə görə, təqdim olunan implant iki qatdan ibarətdir: kortikal sümüyü imitasiya edən bütöv üst qat və müxtəlif ölçülü məsaməli daxili qat. Birinci qat implantın möhkəmliyini, ikinci qat isə möhkəm fiksasiya və ətraf toxumalar ilə bitişmə prosesinin sürətlənməsini təmin edir.
Alimlər qeyd edirlər ki, ultrayüksək molekulyar polietilenin vasitəsilə məsaməli toxumanın mürəkkəb strukturunu imitasiya edən çoxqatlı karkas yaratmaq mümkün olub. Bununla da yeni tədqiqat sümük implantlarının qarşısında duran bütün tələblərə cavab verib.
Tədqiqatçılar heyvanlar üzərində aparılan sınaqların uğurlu nəticələrinə əsaslanaraq yeni implantların tibb sahəsində böyük perspektivlər açacağına əmindirlər.
Ölkədə şəkərli diabet xəstələrinin dərmanlarla təminatında ciddi problemlər var.
Rusiyalı diyetoloq Yevgeniya Deqtyannikova qanda hemoqlobinin səviyyəsini artırmağa kömək edən bir sıra məhsullar haqqında fikirlərini bölüşüb.
İnsanlarda görmə kəskinliyi statik (stasionar) və dinamik (hərəkətli) şəraitdə kiçik detalları tanımaq qabiliyyəti ilə qiymətləndirilir.
24-26 may tarixlərində, La Roche-Posay Azərbaycanın, Аzərbaycan Dermatoveneroloqlar Assosiasiyasının, Bakı Pataloji mərkəzinin təşkilatçılığı və Zəfəran Hospitalın dəstəyi ilə “Dəri xərçənginin diaqnostikası günləri” aksiyası keçiriləcəkdir.
Hamiləlik zamanı qadının orqanizmi çox ciddi yükləmələrə məruz qalır. Qadının orqanizmində yeni həyat inkişaf edir və bu həyatın normal inkişafı üçün müxtəlif vitaminlər, mikroelementlər və s. maddələr lazımdır. Hamiləlik zamanı hətta bir vacib vitaminin və ya mikroelementin çatışmazlığı həm uşağın inkişafına, həm də qadının səhhətinə mənfi təsir edir. Məsələn, uşağın sümüklərinin formalaşmasına və böyüməsinə çoxlu miqdarda kalsium elementi lazımdır. Bu element ananın orqanizminə lazım olan miqdarda daxil olmadıqda, körpədən çox ana əziyyət çəkir. Körpə ananın orqanizmindən özünə lazım olan kalsiumu sovurur ki, bunun nəticəsində ananın dişlərindən, sümüklərindən, saçlarından kalsium yuyulur. Məhz bu səbəbdən qadının orqanizmində hamiləlikdən öncə kalsium defisiti varsa və ya hamiləlik zamanı lazım olan miqdarda kalsium qəbul etmirsə, o zaman qadınlarda dişlər ovulmağa başlayır, saçlar tökülür, ayaqlarda qıcolmalar olur.