Ulu öndər Heydər Əliyevin anım günü ilə əlaqədar Daşkənddə müxtəlif tədbirlər keçirilib

Ulu öndər Heydər Əliyevin anım günü ilə əlaqədar Daşkənddə müxtəlif tədbirlər keçirilib
13 Dek 2016 14:11

Ulu öndər Heydər Əliyevin anım günü ilə əlaqədar Daşkənddə müxtəlif tədbirlər keçirilib.

Azərbaycanin Özbəkistandakı səfirliyinin foyesində Ümummilli Liderin büstü önünə əklil və gül dəstələri qoyulub, xatirəsi ehtiramla anılıb.

Səfir Hüseyn Quliyev ulu öndər Heydər Əliyevin Azərbaycan xalqı qarşısında xidmətlərindən, Azərbaycanın müstəqilliyinin, dövlətçiliyinin möhkəmlənməsində mühüm rolundan danışıb.

Səfirliyin nəzdindəki Heydər Əliyev adına Azərbaycan Mədəniyyət Mərkəzinin qarşısında da Ümummilli Liderin abidəsi önünə gül dəstələri qoyulub.

Mərkəzin foyesində “Ulu öndər Heydər Əliyev fotoşəkillərdə” adlı fotosərgiyə baxış keçirilib.

Səfirlik və Azərbaycan Mədəniyyət Mərkəzi Daşkənddəki “Türküstan” sarayında internet evlərinin uşaqları üçün keçirilən xeyriyyə festivalına qoşulub. Azərbaycan tərəfi xeyriyyə festivalında builki iştirakını ulu öndər Heydər Əliyevin əziz xatirəsinə həsr edib və festivalın rəsmi sponsoru olub.

Tədbirdə Daşkənd Şəhər Hakimiyyətinin nümayəndəsi Axmadcon Muxammedov çıxış edərək şəhərdə fəaliyyət göstərən onlarla internat evinin minə yaxın fiziki qüsurlu və valideyndən məhrum uşaqları üçün təşkil olunan tədbirin əhəmiyyətindən danışıb, uşaqlara qayğının vacib olduğunu qeyd edib. O, xeyriyyə festivalına qoşulan bütün təşkilatlara, o cümlədən Azərbaycan tərəfinə təşəkkürünü bildirib.

Hüseyn Quliyev Azərbaycan-Özbəkistan dostluğu haqqında danışıb, liderlərimiz Heydər Əliyev və İslam Kərimovun əsasını qoyduqları dostluq münasibətlərinin əbədi olacağına əminliyini ifadə edib.

Səfir gələcəyimiz olan uşaqları qorumaq, onlara yüksək qayğı göstərmək, yaxşı təhsil verməklə cəmiyyət üçün faydalı vətəndaşlar yetişdirilməsi məsələlərindən də söhbət açıb.

Festivalda Daşkənddəki internat evlərinin fiziki qüsurlu uşaqları maraqlı musiqi nömrələri ilə çıxış ediblər. Onlar özbək və dünya xalqlarının musiqilərini və rəqslərini, Azərbaycan Mədəniyyət Mərkəzinin nəzdindəki “Azərbaycan qızları” rəqs ansamblının üzvləri isə milli rəqslərimizi ifa ediblər.

Tədbirin sonunda Daşkənddəki 15 uşaq evi və internet məktəblərinə səfirliyimiz və onun nəzdindəki Azərbaycan Mədəniyyət Mərkəzinin hədiyyələri təqdim olunub, “Turon” restoranında uşaqlara nahar verilib və müxtəlif sovqatlar paylanılıb.


3 Fev 2023
Siyasət

İlham Əliyevin Cənub Qaz Dəhlizi Məşvərət Şurasının iclasındakı çıxışının tam mətni - YENİLƏNİB + FOTO/VİDEO

Fevralın 3-də Bakıda, “Gülüstan” sarayında Cənub Qaz Dəhlizi Məşvərət Şurası çərçivəsində nazirlərin 9-cu və Yaşıl Enerji Məşvərət Şurası çərçivəsində nazirlərin 1-ci iclaslarının açılışı olub.

3 Fev 2023
Siyasət

Sülhməramlıların avtomobilləri Xankəndi yolunda maneəsiz hərəkət edirlər - YENİLƏNİB + FOTO/VİDEO

Şuşadan keçən Xankəndi-Laçın yolunda Rusiya sülhməramlılarına məxsus daha 21 avtomobilin hərəkət etməsinə növbəti dəfə şərait yaradılıb.  

3 Fev 2023
Siyasət

İrandakı səfirliyimizə edilən teraktın qarşısının alınmasında iştirak edən şəxslər təltif olundular - SƏRƏNCAM

Prezident İlham Əliyev Azərbaycan Respublikasının İran İslam Respublikasındakı Səfirliyinə qarşı törədilmiş terror aktının qarşısının alınmasında iştirak etmiş şəxslərin təltif edilməsi haqqında Sərəncam imzalayıb.

3 Fev 2023
Siyasət

Azərbaycan Hindistanda turizm sərgisində təmsil olunur

Azərbaycan Turizm Bürosu Hindistanın Mumbay şəhərində keçirilən "OTM Mumbai 2023” səyahət sərgisində milli stendlə təmsil olunur.