“Ukrzaliznıtsa” publik səhmdar cəmiyyətinin (PSC) filialı olan “İstehsalatın Təminatı Mərkəzi” təbii qazın tədarükü ilə bağlı keçirdiyi tenderdən SOCAR-ın Ukraynadakı törəməsini kənarlaşdırıb.
REALPRESS.Az APA-ya istinadən xəbər verir ki, bu barədə Tender komissiyasının elanında bildirilir.
Məlumata əsasən, Tender komissiyası bu qərarın qəbul olunmasının səbəbi kimi treyderin (“SOCAR-Ukraine”) analoji razılaşmaların yerinə yetirilməsinə dair təcrübəsinin olması ilə bağlı müvafiq sənədlərin olmamasıdır.
Tenderin şərtlərinə görə, qalib şirkət 36,6 mln. kubmetr həcmində təbii qaz nəql etməlidir.
“SOCAR-Ukraine” ilə yanaşı, “Ukrzaliznıtsa” müxtəlif səbəblərə görə, “Esko-Pivniç”, “UMVB Qrup” və “Enerqokom” şirkətlərini də tenderdən kənarlaşdırıb.
“SOCAR-Ukraine” 2008-ci ildə yaradılıb. Hazırda Ukraynada SOCAR brendi altında 60 yanacaqdoldurma məntəqəsi fəaliyyət göstərir.
Xatırladaq ki, SOCAR Ukrayna bazarında artıq təbii qaz ticarətinə başlayıb. 2016-cı ilin dekabrın 14-də imzalanan müqaviləyə əsasən, “SOCAR-Ukraine” “Ukrtransqaz” dövlət şirkətinə 180 mln. kubmetr qaz nəql etməlidir.
Dekabr ayının 30-da isə “SOCAR-Ukraine” “ERU Trading” şirkəti ilə 131 mln. kubmetr həcmində təbii qazın alqı-satqısına dair müqavilə imzalayıb.
İqtisadiyyat naziri Mikayıl Cabbarov Yurgen Riqterink ilə görüşüb.
Rusiyanın Primorye diyarının Lesozavodsk şəhərində buzlu yağış səbəbindən fövqəladə vəziyyət elan edilib.
“Azərbaycanda vergi güzəştlərinin hazırlanması metodologiyası üzərində iş gedir”.
Dünyada hərbi münaqişələrin geniş vüsət alması şəraitində dünya iqtisadiyyatında gərginlik və risklər artmaqda davam edir, bunu nəzərə alaraq bu gün müzakirəyə çıxarılan 2024-cü ilin Azərbaycanın dövlət büdcəsi layihəsi mürəkkəb qlobal şəraitə təsadüf edir.
