Ukraynanın analitik portalında Heydər Əliyevin xatirəsinə həsr olunmuş məqalə yerləşdirilib

Ukraynanın analitik portalında Heydər Əliyevin xatirəsinə həsr olunmuş məqalə yerləşdirilib
13 Dek 2016 09:11

Ukraynanın nüfuzlu “Versii com. Fabrika analitiki” portalı hüquq elmləri doktoru, Kiyev Milli Aviasiya Universitetinin beynəlxalq hüquq kafedrasının professoru Arif Quliyevin “Heydər Əliyevin xatirəsinə” adlı geniş məqaləsini yerləşdirib.

Müəllif xatırladır ki, dahi siyasi xadim və Azərbaycan xalqının ümummilli lideri Heydər Əliyevin böyük xidmətləri haqqında hələ sağlığında danışılmağa başlanıldı. Onun parlaq zəkası və iti intellekti sərhəd tanımırdı. Həyatını Vətənə, ölkəyə və xalqa xidmətə həsr edən rəhbərlər və qəhrəmanlar heç vaxt unudulmur. Məqalədə deyilir ki, Heydər Əliyev artıq 13 ildir aramızda olmasa da, bu gün dünyanın istənilən məkanında Azərbaycan haqqında danışılırsa, Heydər Əliyev yada düşür, Heydər Əliyev xatırlandıqda isə göz önünə Azərbaycan gəlir.

Heydər Əliyevin zəngin həyat yolu, Azərbaycan xalqı və dövləti qarşısında tarixi xidmətləri haqqında ətraflı bəhs edən müəllif yazır ki, 1993-cü ildə, ölkə uçurumun kənarında olarkən xalq öz əfsanəvi liderinə müraciət etdi. Ermənistanın təcavüzü geniş miqyas alır, daxili münaqişələr ölkəni vətəndaş müharibəsinə sürükləyirdi. Azərbaycan batmaqda olan gəmini xatırladırdı: fabrik və zavodlar fəaliyyət göstərmirdi, əməkhaqqı aylarla verilmirdi, mağazalarda isə növbələrin sonu görünmürdü. Yalnız ümid vardı. İnsanlar qurtuluş və xilaskar axtarırdı. O vaxtlar Heydər Əliyev dövrünün bir çox siyasətçilərinə xas olmayan keyfiyyəti – müasir dövrün ən aktual çağırışlarına hazır olduğunu nümayiş etdirdi.

Məqalədə xüsusi vurğulanır ki, hələ sağlığında Azərbaycan xalqının ümummilli lideri kimi tanınan Heydər Əliyevə xalq məhəbbəti tükənmək bilmir. O hər bir azərbaycanlı üçün təkcə ölkənin istedadlı rəhbəri kimi yox, həm də böyük şəxsiyyət kimi ideala çevrilib.

Heydər Əliyevin Ukrayna qarşısında xidmətlərinə də məqalədə geniş yer verilib. Müəllif xatırladır ki, 1980-ci illərin sonunda bu dahi şəxsiyyət böyük ekoloji fəlakətlə nəticələnə biləcək Dunay və Dnepr çaylarını birləşdirmək layihəsinin müəlliflərini bu fikirdən daşındıra bildi. Bundan əlavə, Heydər Əliyevin köməyi ilə “Obolon” zavodu tikilib istifadəyə verildi. Heydər Əliyevin təşəbbüsü ilə uşaq qidaları fabriki inşa olundu, o, həmçinin Kiyev metropoliteninin tikintisinə kömək etdi.

Ümummilli lider Kiyev şəhərinin fəxri vətəndaşı, Ukrayna Prezidenti yanında Dövlət İdarəçilik Akademiyasının fəxri doktoru adına layiq görülüb. Kiyevdə, Azərbaycan Respublikasının Ukraynadakı səfirliyinin yaxınlığındakı park onun adını daşıyır. Azərbaycandan kənarda Heydər Əliyevə ilk abidə məhz Kiyevdə ucaldılıb.

Məqalənin sonunda professor A.Quliyev yazır: “Vaxt keçəcək və mən əminəm, ümummilli liderin hərtərəfli fəaliyyətinin nəticələrinə əsaslanaraq, Ulu Öndərin layiqli davamçısı Prezident İlham Əliyevin rəhbərliyi ilə işğal olunmuş torpaqlarımız azad ediləcək, qaçqınlar doğma ocaqlarına qayıdacaq və Qarabağda Azərbaycanın bayrağı dalğalanacaq”.

Materialın tam mətni ilə “Versii com. Fabrika analitiki” portalının resursunda tanış ola bilərsiniz: http://versii.com/news/358089/


26 Noy 2020
Siyasət

Ceyhun Bayramov ərəbistanlı həmkarı ilə Qarabağı müzakirə etdi

2020-ci ilin 26 noyabr tarixində Azərbaycan Respublikasının Xarici İşlər naziri Ceyhun Bayramov və Səudiyyə Ərəbistanı Krallığının Xarici İşlər naziri Faysal bin Ferhan Al Saud arasında telefon danışığı baş tutub.

26 Noy 2020
Siyasət

Mövlud Çavuşoğlu və NATO-nun baş katibi Qarabağı müzakirə ediblər

Türkiyənin Xarici İşlər naziri Mövlud Çavuşoğlu və NATO-nun baş katibi Yens Stoltenberg telefonla regional gündəmin aktual məsələlərini müzakirə edib.

26 Noy 2020
Siyasət

Vasitəçiyə inam yoxdursa, demək o artıq vasitəçi ola bilməz - Əli Əhmədov

Qondarma Dağlıq Qarabağın tanınmasının tövsiyyə edilməsinə dair Fransa Senatının qəbul etdiyi qətnamə, mübahisəsiz olaraq, dünya miqyasında ən qeyri- obyektiv, zərərli və prinsipsiz sənəd hesab edilə bilər. bunu Azərbaycan Baş nazirinin müavini, YAP Sədrinin müavini-İcra katibi Əli Əhmədov deyib.

26 Noy 2020
Siyasət

Milli Məclisin bəyanatı: Fransa ATƏT-in Misk qrupundan çıxarılsın

Milli Məclis Azərbaycan Hökumətinə Fransa senatının qətnaməsi ilə bağlı çağırış edib.

26 Noy 2020
Siyasət

Milli Məclis “Vətən Müharibəsi Qəhrəmanı” fəxri adının təsis olunmasını təsdiqlədi

Milli Məclisin bu gün keçirilən plenar iclasında “Azərbaycan Respublikasının “Vətən Müharibəsi Qəhrəmanı” adının təsis edilməsi haqqında” qanun layihəsi üçüncü oxunuşda müzakirəyə çıxarılıb.