UNICEF: Dünyada 535 milyon uşaq münaqişə və təbii fəlakət zonalarında yaşayır

UNICEF: Dünyada 535 milyon uşaq münaqişə və təbii fəlakət zonalarında yaşayır
12 Dek 2016 12:24

Hazırda bütün dünya üzrə 535 milyon uşaq münaqişə və təbii fəlakət zonalarında yaşayır. Onlar lazımi qida, keyfiyyətli təhsil və tibbi yardım almaq imkanından məhrumdurlar.

AZƏRTAC xəbər verir ki, bu barədə BMT-nin Uşaq Fondunun (UNICEF) yeni hesabatında bildirilir.

Hesabatda qeyd edilir ki, hazırda qlobal miqyasda hər dördüncü uşaq fövqəladə humanitar vəziyyət şəraitində yaşayır. Suriyanın 16 rayonunda yarım milyon uşaq humanitar yardım almır. Bundan başqa, Afrika regionunda 393 milyon uşaq münaqişələr və digər böhranlar şəraitində yaşayır. Yaxın Şərq və Şimali Afrika ölkələrində isə bütün uşaqların 12 faizi belə vəziyyətdə yaşamağa məhkumdur.

Münaqişələr, təbii fəlakətlər və iqlim dəyişiklikləri uşaqları qaçıb xilas olmağa, evlərini tərk etməyə məcbur edir. Onlar çox vaxt atəş altında olur, istismar və zorakılıq riskinə məruz qalırlar. Dünya miqyasında indiyə qədər 50 milyon uşaq məcburi köçkün həyatı yaşayır. Onların yarıdan çoxu belə vəziyyətə münaqişə nəticəsində düşüb. Yalnız Nigeriyanın şimalında 1,8 milyon nəfər məcburi köçkünə çevrilıb ki, onların da yarıdan çoxu uşaqlardır. Əfqanıstanda zorakılıq və silahlı toqquşmalar nəticəsində bütün uşaqların təxminən yarısının ibtidai təhsil almaq imkanı yoxdur. Yəməndə isə münaqişənin nəticələri bu və ya digər dərəcədə 10 milyon uşağın həyatını korlayıb.

UNICEF beynəlxalq birliyi həmin uşaqların iztirablarına göz yummamağa çağırıb.


17 Fev 2020
Cəmiyyət

Bakı Dövlət Universitetinə yeni mətbuat katibi təyin edildi

Bakı Dövlət Universitetinə yeni mətbuat katibi təyin edilib

17 Fev 2020
Cəmiyyət

Bakıda koronavirusla bağlı xəstəxanada 2 nəfər saxlanılır

Səhiyyə Nazirliyi və İcbari Tibbi Sığorta üzrə Dövlət Agentliyi Bakıda koronavirus şübhəsi ilə xəstəxanaya yerləşdirilənlərlə bağlı növbəti birgə məlumat yayıb.

17 Fev 2020
Cəmiyyət

Ayaz Mütəllibov AzTV-yə danışdı: O, Paşinyanın ittihamlarına nə cavab verdi? - VİDEO

Azərbaycanın sabiq prezidenti Ayaz Mütəllibov Ermənistanın baş naziri Nikol Paşinyana Azərbaycan Televiziyasının "HƏFTƏ" proqramına müsahibəsində cavab verib.

17 Fev 2020
Cəmiyyət

Bu malların ölkədən aparılması qadağan olundu - VİDEO

Bəzi tibbi ləvazimat və preparatların Azərbaycan ərazisindən aparılmasına qadağa qoyulub. Bununla bağlı Nazirlər Kabineti tərəfindən qərar imzalanıb.