UNEC: dünya səviyyəli universitet

UNEC: dünya səviyyəli universitet
12 2017 11:07

Rusiyanın nüfuzlu “Деловая Россия” federal jurnalının dekabr ayının buraxılışının xüsusi bölməsi Azərbaycanın Dövlət Müstəqilliyinin 25 illiyinə həsr edilib. Əsasən, iqtisadi və sosial mövzuların geniş yer aldığı jurnalda “UNEC: dünya səviyyəli universitet” adlı məqalə dərc edilib.

UNEC-in Marketinq və Kommunikasiya Departamenti, İctimaiyyətlə Əlaqələr Şöbəsindən Trend-ə verilən məlumata görə, məqalədə UNEC-də həyata keçirilən yeniliklər barədə ətraflı məlumat verilib. 18 minə yaxın bakalavr, magistr, doktorantın təhsil aldığı və 1650 professor-müəllim və inzibati heyətin fəaliyyət göstərdiyi universitetin Cənubi Qafqazın ən böyük iqtisadyönümlü ali təhsli müəssisəsi olduğu bildirilib.

Azərbaycanın iqtisadiyyat və biznes sahəsində peşəkar kadr hazırlayan əsas təhsil müəssisəsi olan UNEC-də müxtəlif istiqamətlərdə fundamental elmi tədqiqatların aparıldığı da qeyd edilib: “UNEC-də fəaliyyət göstərən Elmi Tədqiqat İnstitutu, Elmi İnnovasiya Mərkəzi, Texnologiya Transfer Mərkəzində yüksəkixtisaslı iqtisadçı kadrlar müasir innovativ metodlar tətbiq etməklə milli iqtisadiyyatın real sektorunda tələb olunan tədqiqatlar aparırlar. Bu təqdiqatlar UNEC-də təhsilin təkmilləşdirilməsinə də təkan verir”.

Məqalədə UNEC-in beynəlxalq əlaqələrinə də geniş yer ayrılıb. Bildirilib ki, UNEC 30-dan çox ölkənin (Almaniya, Böyük Britaniya, İtaliya, İsveçrə, İspaniya, Litva, Cənubi Koreya, Türkiyə və s.) 100-dən çox nüfuzlu universiteti (Siegen University, London School of Economics, Montpellier University, University of Malaga, Mykolas Romeris University və s.) ilə əməkdaşlıq edir. Bakalavr, magistr və doktorant hazırlığında ikili diplom proqramları, tələbə-müəllim mübadiləsi həyata keçirir. UNEC beynəlxalq assosiasiya və təşkilatların üzvü olmaqla yanaşı, qabaqcıl qlobal iqtisadi qurumlarla da sıx əməkdaşlıq edir. İqtisadiyyat üzrə 11 Nobel mükafatı laureatının UNEC-in Fəxri doktoru olması və onların İqtisad Universitetdə mühazirələr söyləməsi də məqalədə xüsusi yer alıb.

Məqalədə UNEC-də dörd dildə – Azərbaycan, türk, rus və ingilis dillərində təhsil aparıldığı da bildirilib. Eyni zamanda 11 ixtisas üzrə rus dilində və 5 ixtisas üzrə ingilis dilində təhsil verən Rus İqtisadiyyat Məktəbi və Beynəlxalq İqtisadiyyat Məktəbinin fəaliyyəti işıqlandırılıb.
Universitetin beynəlxalq reytinqlərdə yer alması da önə çəkilib: “UNEC iki il ardıcıl olaraq dünyanın ali təhsil müəssisələrinin ən nüfuzlu reytinqlərindən olan “Webometrics”in nəticələrinə görə, Azərbaycan universitetləri üzrə birinci olub. Eyni zamanda, 2016-cı ildə ilk dəfə olaraq, QS reytinq agentliyinin İnkişaf Etməkdə olan Avropa və Mərkəzi Asiya Universitetlərinin reytinqində sırf iqtisadyönümlü 4-cü universitet olmaqla, regionun ən yaxşı 200 universitetidir”.

Məqalədə UNEC-in Azərbaycanın xaricdə filialı olan yeganə ali təhsil ocağı olduğu diqqətə çatdırılıb. Rusiyanın Dağıstan Respublikasının Dərbənd şəhərində fəaliyyət göstərən filialın təhsil sahəsində Azərbaycan-Rusiya əməkdaşlığında əsas rol oynadığı xüsusi vurğulanıb.

UNEC haqqında:

UNEC Azərbaycan Dövlət İqtisad Universitetinin brendidir. 21 yanvar 2016-cı ildə Standartlaşdırma, Metrologiya və Patent üzrə Dövlət Komitəsi tərəfindən UNEC brendi qeydiyyata alınaraq, patentləşdirilib.


25 İyun 2022
Cəmiyyət

Hərbi xidmətə çağırılanların NƏZƏRİNƏ

Azərbaycan Respublikasında 2022-ci ilin iyul ayında müddətli həqiqi hərbi xidmətə göndəriləcək çağırışçılar Silahlı Qüvvələr üzrə xidmət yerlərinə təyinatla bağlı Səfərbərlik və Hərbi Xidmətə Çağırış üzrə Dövlət Xidməti (SHXÇDX) tərəfindən iyunun 25-də SMS vasitəsilə məlumatlandırılıblar.

25 İyun 2022
Cəmiyyət

Sabah yağış yağacaq, şimşək çaxacaq

Azərbaycan ərazisində iyunun 26-da gözlənilən hava şəraiti haqda proqnoz açıqlanıb.

25 İyun 2022
Cəmiyyət

“Qarabağ” bu gün Rumıniya klubu ilə oynayacaq

Azərbaycan çempionu “Qarabağ” bu gün təlim-məşq toplanışında olduğu Avstriyada ilk yoxlama oyununu keçirəcək.

25 İyun 2022
Cəmiyyət

Sabah "ASAN xidmət" və "ASAN kommunal" mərkəzləri işləməyəcək

Prezident yanında Vətəndaşlara Xidmət və Sosial İnnovasiyalar üzrə Dövlət Agentliyi ("ASAN xidmət") vətəndaşlara müraciət edib.

25 İyun 2022
Cəmiyyət

Azərbaycan neftinin qiyməti yenidən 121 dolları keçib

Dünya bazarında "Azeri Light" (CIF) markalı neftin qiyməti artıb.