Azərbaycan Dövlət İqtisad Universitetində (UNEC) “Azərbaycan dili” kafedrasının professoru Maarifə Hacıyevanın “Ədəbi qaynaqlar və ədəbi dəyərlər” kitabının təqdimatı keçirilib.
UNEC-in Marketinq və Kommunikasiya Departamentinin İctimaiyyətlə əlaqələr şöbəsindən Trend-ə verilən məlumata görə, kitab təqdimatına görkəmli şair, dramaturq, əməkdar incəsənət xadimi Nəriman Həsənzadə, Tehran Rudhen Universitetinin doktoru Hüseyn Soytürk, Biznes və menecment fakültəsinin professor-müəllim heyəti, tələbələri qatılıb.
Xalq şairi Nəriman Həsənzadə əsəri yüksək dəyərləndirərək, onun Azərbaycanın mədəniyyəti, ədəbiyyatı, tarixi, etnoqrafiyası haqqında əvəzsiz əsər olduğunu bildirib. Tehrandan olan qonaq H.Soytürk fars dilində də çap edilən kitabın İran oxucuları üçün faydalı olacağını xüsusi vurğulayıb. Fakültə dekanı Mirağa Əhmədov bildirib ki, UNEC-də yalnız görkəmli iqtisadçılar deyil, ədəbiyyat, mədəniyyət sahəsinə mühüm töhvə verən Maarifə xanım kimi görkəmli alimlər də çalışır.
Müəllif Maarifə Hacıyeva bildirib ki, milli-mənəvi dəyərlərə daha çox üstünlük verdiyi kitabında müasir ədəbi proses, bu prosesin tarixi və ədəbi folklor qaynaqları, müstəqillik dövründə əldə olunan ədəbi töhvələr, portret yazılar əsasında təhlillər aparılıb, Türk və Azərbaycan ədəbi mədəni əlaqələrinin tarixi köklərinə diqqət ayrılıb.
Sonda “Ədəbi qaynaqlar və ədəbi dəyərlər” kitabı müəllifin imzası ilə ilk oxucularına hədiyyə edilib.
UNEC haqqında:
UNEC Azərbaycan Dövlət İqtisad Universitetinin brendidir. 21 yanvar 2016-cı ildə Standartlaşdırma, Metrologiya və Patent üzrə Dövlət Komitəsi tərəfindən UNEC brendi qeydiyyata alınaraq, patentləşdirilib.
“Azəri-Çıraq-Günəşli” və “Şahdəniz” yataqları istismara veriləndən cari ilin 1 oktyabr tarixinədək 684,5 milyon tona yaxın neft (qaz kondensatı ilə birlikdə), 540 milyard kubmetr qaz hasil edilib.
Oktyabrın 16-də gözlənilən hava şəraiti açıqlanıb.
Bu ilin 9 ayında Azərbaycanda 37,9 milyard kubmetr təbii qaz hasil edilib. Bu da illik müqayisədə 0,8 azalma deməkdir.
