UNEC-in badmintonçuları güclərini sınayıblar

UNEC-in badmintonçuları güclərini sınayıblar
27 Dek 2016 10:15

Azərbaycan Dövlət İqtisad Universitetində (UNEC) badminton yarışı keçirilib. UNEC-in Marketinq və Kommunikasiya Departamenti, İctimaiyyətlə Əlaqələr Şöbəsindən Trend-ə verilən məlumata görə, Dünya Azərbaycanlılarının Həmrəyliyi Gününə həsr edilən yarışın məqsədi badmintonun təbliği, UNEC-də bu idman növünə olan marağın artırılması, gəncləri sağlam həyat tərzinə sövq etməkdir.

Fakultələr arasında təşkil edilən yarışda 60 tələbə qüvvəsini sınayıb. Badmintonçu qızlar arasında I yerə Əmtəəşünaslıq fakultəsinin tələbəsi Anna Jeleznyak layiq görülüb. II yerdə Rus İqtisadiyyat Məktəbinin tələbəsi Anelya Balabayeva, III yerdə İqtisadiyyat fakultəsinin tələbəsi Sara Nəzirli qərarlaşıb.

Badmintonçu oğlanlar arasında İqtisadiyyat fakultəsinin tələbəsi Qurban Qurbanov 1-ci olub. Rus İqtisadiyyat Məktəbinin tələbələri Məhərrəm Məhərrəmov II, Ömər Əzizli isə III yeri qazanıb.

Qarışıq qoşa yarışlarda ilk yerə Rus İqtisadiyyat Məktəbinin tələbəsi Ömər Əzizli və Əmtəəşünaslıq fakultəsinin tələbəsi Anna Jeleznyak yüksəlib. II yeri İqtisadiyyat fakultəsinin tələbələri Qurban Qurbanovla Sara Nəzirli bölüşüb. III yerdə isə Rus İqtisadiyyat Məktəbinin tələbəsi Məhərrəm Məhərrəmov və İqtisadiyyat fakultəsinin tələbəsi Arzu Zeynallı qərarlaşıb.
Yarışlarda Rus İqtisadiyyat Məktəbinin tələbələri xüsusi fəallıqları ilə seçilərək, I yerə layiq görülüblər. İqtisadiyyat fakultəsi II, Əmtəəəşünaslıq fakultəsi isə III yeri qazanıb.
Qaliblərə diplom və hədiyyə təqdim edilib.Yarışın təşkilatçısı UNEC-in “İdmançı” idman klubu və Tələbə Gənclər Təşkilatıdır.

UNEC haqqında:

UNEC Azərbaycan Dövlət İqtisad Universitetinin brendidir. 21 yanvar 2016-cı ildə Standartlaşdırma, Metrologiya və Patent üzrə Dövlət Komitəsi tərəfindən UNEC brendi qeydiyyata alınaraq, patentləşdirilib.


19 Apr 2024
Cəmiyyət

Azərbaycan nefti ucuzlaşıb

Dünya bazarında “Azeri Light” markalı Azərbaycan nefti ucuzlaşıb.

19 Apr 2024
Cəmiyyət

Kəlbəcər dağlarının əhatəsində futbol keyfi - VİDEO

İşğaldan azad olunan Kəlbəcərdə tikinti işçilərinin futbol oynamaları diqqət çəkib.

19 Apr 2024
Cəmiyyət

Xankəndidə avtomat, qumbara və qumbaraatan tapılıb

Polis əməkdaşları Xankəndi şəhərində avtomat, qumbara və qumbaraatan aşkarlayıblar.

19 Apr 2024
Cəmiyyət

Paytaxtın hansı küçələrində sıxlıq var? - SİYAHI + FOTO

Bakının bəzi küçə və prospektində nəqliyyatın sıxlığı müşahidə olunur.