Türkiyənin ordu generalı: aprel döyüşlərinin nəticələri Azərbaycan ordusunun qüdrətinin göstəricisidir

Türkiyənin ordu generalı: aprel döyüşlərinin nəticələri Azərbaycan ordusunun qüdrətinin göstəricisidir
15 Dek 2016 15:05

Azərbaycanın İstanbuldakı baş konsulu Məsim Hacıyev Türkiyə Silahlı Qüvvələrinin Birinci Ordu komandanı, ordu generalı Musa Avseverlə görüşüb.

Görüşdə M.Avsever Azərbaycan və Türkiyə arasında olan dostluq və qardaşlıq münasibətlərinin qorunmasının və daha da inkişaf etdirilməsinin əhəmiyyətini vurğulayıb. Ümummilli lider Heydər Əliyevin “bir millət, iki dövlət” kəlamını xatırladan ordu generalı diqqətə çatdırıb ki, eyni tarixə, kökə, dilə, dinə və ənənələrə mənsub olan iki qardaş xalq arasında əlaqələrin qorunması və inkişafı tarixi əhəmiyyət daşıyır.

Azərbaycanın dövlət müstəqilliyini bərpa edəndən sonra hərbi və müdafiə sənayesi sahəsində əldə etdiyi uğurları yüksək qiymətləndirən M.Avsever Ermənistan-Azərbaycan, Dağlıq Qarabağ münaqişəsinin hələ də həll olunmamasından narahatlığını ifadə edib. Bildirib ki, aprel döyüşlərində işğal altındakı torpaqların bir qisminin düşməndən azad edilməsi Azərbaycan Ordusunun şücaətinin və qüdrətinin göstəricisidir.

M.Hacıyev bir neçə gün əvvəl İstanbulda törədilən terror aktı nəticəsində şəhid olanlara Allahdan rəhmət, yaralılara şəfa diləyib. Baş konsul diqqətə çatdırıb ki, Türkiyədə baş verən istənilən xoşagəlməz hadisə, o cümlədən terror aktları Azərbaycanda böyük sıxıntı ilə qarşılanır. Biz erməni terrorizmdən əziyyət çəkən ölkəyik. Azərbaycan bütün məsələlərdə, o cümlədən terrorçuluqla mübarizədə qardaş Türkiyənin yanındadır.


17 Fev 2020
Siyasət

MSK 7 məntəqə üzrə səsvermənin nəticələrini ləğv etdi

Mərkəzi Seçki Komissiyası (MSK) bu gün 34 saylı Xətai üçüncü seçki dairəsi üzrə müraciətə baxılıb.

17 Fev 2020
Siyasət

MSK-da Tahir Mirkişili ilə bağlı şikayətə baxıldı

Mərkəzi Seçki Komissiyasının (MSK) iclasında Milli Məclisə seçkilərlə əlaqədar 42 saylı Sumqayıt İkinci Seçki Dairəsi üzrə daxil olan müraciətə baxılıb.

17 Fev 2020
Siyasət

MSK daha bir Seçki Dairəsi ilə bağlı QƏRAR VERDİ

Mərkəzi Seçki Komissiyasının (MSK) parlament seçkiləri ilə bağlı iclası başlayıb.

17 Fev 2020
Siyasət

İrəvan Bakıya uduzur: münaqişədə yeni mərhələ başlanır

Ermənistanın bəxti gerçəkdən də gətirməyib. Tarixi saxta, yaşamı çətin, durumu məzlum, üstəlik də baş naziri bisavad və idiot.

17 Fev 2020
Siyasət

Sergey Markov: “İlham Əliyevin Paşinyan üzərində qələbə qazanması təəccüblü deyil” - MÜSAHİBƏ

Sergey Markov: “İlham Əliyevin Paşinyan üzərində qələbə qazanması təəccüblü deyil” - MÜSAHİBƏ