Modernləşən və güclənən Azərbaycan Ordusu düşmənin bütün təxribatlarının və həmlələrinin qarşısını almağa, istənilən məqamda ona layiqli cavab verməyə qadirdir.
Bu fikri Türkiyə Silahlı Qüvvələrinin Hərbi Dəniz Donanmasının cənub birləşmələrinin komandanı, kontr-admiral Hasan Şükrü Korlu Azərbaycanın İstanbuldakı baş konsulu Məsim Hacıyevlə görüşündə bildirib.
Azərbaycan ilə Türkiyə arasındakı dostluq və qardaşlıq münasibətlərindən, o cümlədən hərbi sahədəki əməkdaşlığın inkişafından bəhs edən H.Ş.Korlu ölkəmizin hərtərəfli tərəqqisini sevinclə qarşıladığını vurğulayıb. O, Ermənistan-Azərbaycan, Dağlıq Qarabağ münaqişəsinin təcavüzkar tərəfin qeyri-konstruktiv mövqeyi ucbatından həll olunmadığını vurğulayıb.
Baş konsul M.Hacıyev eyni kökə, dilə, dinə və mədəniyyətə malik olan Azərbaycan və Türkiyə xalqlarının qardaşlıq münasibətlərinin digər ölkələr üçün nümunə olduğunu söyləyib. Ümummilli lider Heydər Əliyevin “Bir millət, iki dövlət” kəlamını xatırladan diplomat bildirib ki, bu siyasəti uğurla davam etdirən Prezident İlham Əliyev Azərbaycan-Türkiyə münasibətlərinin inkişafına xüsusi diqqət göstərir. Ulu öndər Heydər Əliyevin müəyyən etdiyi inkişaf strategiyasının real nəticəsi olaraq reallaşan beynəlxalq səviyyəli iqtisadi layihələr Azərbaycan və Türkiyə də daxil olmaqla, böyük bir coğrafiyada iqtisadi yüksəlişi təmin edir.
Görüşdə Azərbaycan və Türkiyə arasında bütün istiqamətlərdə, o cümlədən müdafiə sahəsində əməkdaşlığın inkişafı məsələlərinə dair fikir mübadiləsi aparılıb.
İyulun 24-də Azərbaycan Respublikasının Prezidenti İlham Əliyev Özbəkistan Respublikasının Prezidenti Şavkat Mirziyoyevə zəng edib.
Müdafiə Nazirliyinin (MN) rəhbər heyəti azad edilmiş ərazilərdə xidmət edən hərbi qulluqçularla görüşüb.
"Azərbaycanda 31 nəfərin deputatlığa namizədliyi qeydə alınıb".
