Türkiyə baş nazirinin iqtisadiyyata cavabdeh müavini Mehmet Şimşək Avropa ölkələrini ikili standartlara son qoyaraq Türkiyə ilə münasibətləri qarşılıqlı mənafelər əsasında inkişaf etdirməyə çağırıb.
APA-nın Türkiyə bürosunun xəbərinə görə, İstanbulda keçirilən Avrasiya İqtisadiyyat Zirvəsindəki çıxışında dünyada davam edən iqtisadi problemlərdən danışan M. Şimşək yaşanan şoklara baxmayaraq, Türkiyə iqtisadiyyatının müqavimətini qoruduğunu vurğulayıb.
15 iyul 2016-cı ildə Türkiyədə dövlət çevrilişi təşəbbüsünü xatırladan baş nazirin müavini ABŞ-da yaşayan “imam” ləqəbli terror təşkilatı başçısının Türkiyəyə qaytarılmasının lüzumundan bəhs edib. O, Avrasiya İqtisadi Zirvəsində iştirak edən liderlərə müraciət edərək onları FETÖ-nün tədris müəssisələrinə öz ölkələrində yer verməməyə çağırıb.
M. Şimşək beynəlxalq terrorizmə qarşı mübarizədə Türkiyənin bütün ölkələrlə var gücü ilə əməkdaşlıq etdiyini söyləyib.
Portuqaliya və Avstraliya Ukraynaya böyük məbləğdə yardım göstərəcək.
Azərbaycan Mərkəzi Bankının bu günə olan rəsmi valyuta məzənnələri açıqlanıb.
Nepalda torpaq sürüşməsi səbəbindən 2 avtobusun aşaraq çaya düşməsi nəticəsində azı 66 nəfər itkin düşüb.
