Turizm Assosiasiyası: Turizm zonaları üçün güzəştlərin tətbiqi vacibdir

Turizm Assosiasiyası: Turizm zonaları üçün güzəştlərin tətbiqi vacibdir
07 2017 10:01

Azərbaycanda turizm və rekreasiya zonaları üçün güzəşt və imtiyazların tətbiqi vacibdir.

Bunu Trend-ə Azərbaycan Turizm Assosiasiyası sədrinin müşaviri Müzəffər Ağakərimov deyib.

Onun sözlərinə görə, hazırda Azərbaycanın şimal-qərb (Şamaxıdan-Qaxadək), şimal-şərq (Quba-Qusar), Lerik-Astara və Abşeron zonasında turizm və rekreasiya zonaları var.

Azərbaycanın ümumilikdə turizm potensialının geniş olduğunu deyən M.Ağakərimovun sözlərinə görə, ölkənin digər zonalarında da – Aran, qərb zonalarında da turizm və rekreasiya zonaları yaratmaq olar. Amma bunun üçün həmin zonaları inkişaf etdirmək lazımdır. İnkişaf üçün isə müəyyən güzəştlərin tətbiqi lazımdır.

M.Ağakərimov şimal-qərb, şimal-şərq və cənub zonasındakı turizm zonaları üçün hazırda güzəşt və imtiyazların tətbiq edilmədiyini açıqlayıb.

Milli Məclisdən Trend-ə verilən məlumata görə, yeni hazırlanan “Turizm haqqında” qanun layihəsində turizm və rekreasiya zonaları üçün güzəşt və imtiyazların tətbiqi nəzərdə tutulub.

Layihəyə görə, turizm və rekreasiya zonalarında əsas infrastuktur dövlət hesabına yaradılacaq, belə ərazilər üçün Vergi Məcəlləsi ilə sadələşdirilmiş vergi müəyyən ediləcək.

Bununla yanaşı, müvafiq fondlar vasitəsilə ilə turizm infrastrukturu subyektlərinə güzəştli kreditlər veriləcək. Turizm infrastrukturu üçün nəzərdə tutulmuş və siyahısı müvafiq icra hakimiyyəti orqanı tərəfindən müəyyən edilən mallar idxal rüsumundan azad ediləcək. Turizm və rekreasiya zonalarında təqdim olunan məhsulların əmtəə nişanları dövlətin vəsaiti hesabına təbliğ ediləcək.

Qeyd edək ki, turizm və rekreasiya zonaları istehlakçıların əyləncəsini, istirahətini və rekreasiyasını təmin edən, xüsusi ekoloji, rekreasiya, tarixi, mədəni əhəmiyyət daşıyan təbiət və mədəniyyət komplekslərinin yerləşdiyi, qanunvericliyin tələbləri nəzərə alınmaqla turizmin təşkili və inkişafı məqsədi ilə ayrılan, əlverişli tuirizm potensialına və müvafiq idarəetmə qurumlarına malik olan, sərhədləri dəqiq müəyyən edilmiş ərazilərdir.


25 Sent 2020
Cəmiyyət

Professora TƏBİB-də vəzifə verildi - FOTO

Akif İrzaxan oğlu Qurbanov “Tibbi Ərazi Bölmələrini İdarəetmə Birliyi”nin (TƏBİB) V.Y.Axundov adına Elmi-Tədqiqat Profilaktika İnstitutunda elmi işlər üzrə direktor müavini vəzifəsinə təyin edilib. 

25 Sent 2020
Cəmiyyət

Mikayıl Cabbarov Gəncədə sənaye müəssisələrinin fəaliyyəti ilə tanış olub - FOTO

İqtisadiyyat naziri Mikayıl Cabbarov ölkənin şimal-qərb bölgəsinə səfəri çərçivəsində Gəncə şəhərində yerləşən müəssisələrdə olub.

25 Sent 2020
Cəmiyyət

Azərbaycanda yüksək vəzifəyə TƏYİNAT

Azərbaycan Tibb Universitetində rəhbər vəzifəyə təyinat olub.

25 Sent 2020
Cəmiyyət

Məcburi köçkünlər üçün təlimlər keçirildi - FOTO

Qaçqınların və Məcburi Köçkünlərin İşləri üzrə Dövlət Komitəsinin təşkilatçılığı, Azərbaycan Qızıl Aypara Cəmiyyəti (AzQAC), Beynəlxalq Qızıl Xaç Komitəsinin (BQXK) və Ağdam Rayon İcra Hakimiyyətinin dəstəyi ilə Quzanlı qəsəbəsində təşkil edilmiş ilk yardım təlimləri başa çatıb.

25 Sent 2020
Cəmiyyət

Mühəndis-istehkam bölmələri ilə taktiki-xüsusi və döyüş hazırlığı üzrə məşğələlər keçirilir - VİDEO

Müdafiə nazirinin təsdiq etdiyi 2020-ci il üçün döyüş hazırlığı planına uyğun olaraq Mühəndis-istehkam bölmələri ilə taktiki-xüsusi və döyüş hazırlığı üzrə məşğələlər keçirilir.