Tibb işçiləri gecə Astara-Bakı qatarının qarşısını kəsdilər

Tibb işçiləri gecə Astara-Bakı qatarının qarşısını kəsdilər
07 2017 17:06

Bu gecə saat 1-in yarısında Astaradan Bakıya gələn 59 saylı sərnişin qatarının hərəkəti Salyan stansiyasında etirazçı tibb işçiləri tərəfindən yarım saata yaxın dayandırılıb.
Virtualaz.org saytı Şirvan bürosunun məlumatına görə, fevral ayının 1-dən müvafiq əmrlə bağlanmış Salyan Dəmir Yolu Xəstəxanasının 40 nəfərə yaxın qadınlardan ibarət işçisi qatarın qarşısına çıxaraq onun hərəkətinə mane olublar.
Hadisə yerinə gəlmiş nəqliyyat polisi etirazçı qadınları dəmir yolundan geri çəkdikdən sonra qatar hərəkətinə davam edib.
Tibb işçilərinin tələbi 1945-ci ildən fəaliyyət göstərən, 56 nəfərin çalışdığı dəmir yolu xəstəxanasının fəaliyyətinin bərpa olunmasıdır.
"Azərbaycan Dəmir Yolları" Qapalı Səhmdar Cəmiyyətinin mətbuat xidmətindən virtualaz.org-a bildirilib ki, idarənin balansında olmuş xəstəxanalar və tibbi müəssisələr əvvəllər Maliyyə Nazirliyi tərəfindən maliyyələşdirilirdi və QSC və Metropoliten əməkdaşları üçün pulsuz xidmətlər göstərilirdi.
Ancaq 17 noyabr 2016-cı il Maliyyə Nazirliyi tərəfindən 1 yanvardan bu müəssisələrin maliyyələşdirilməsinin dayandırılması və onların özünü təmin etmə prinsipinə keçidi haqqında qərar qəbul edilib. "Azərbaycan Dəmir Yolları"
Qapalı Səhmdar Cəmiyyəti də tabeliyindəki tibb müəssisələrinin dəyərləndirilməsini aparıb və özünü maliyyələşdirə bilməyəcək müəssisə və xəstəxanaların bağlanması haqqında qərar qəbul edib. Belə xəstəxanalardan biri də Salyan dəmir yolu xəstəxanası olub.
Bununla birlikdə, "Azərbaycan Dəmir Yolları" QSC-dən qeyd ediblər ki, başqa rayonlarda bir sıra xəstəxanalar öz işini davam etdirəcək: “Bəzi həkimlər və tibb personalı yarım ştata keçiriliblər”.

17 Apr 2025
Cəmiyyət

Beş paytaxt məktəblisi buraxılış imtahanlarında maksimum nəticə göstərib

Bakı Şəhəri üzrə Təhsil İdarəsinin (BŞTİ) tabeliyindəki ümumi təhsil məktəblərinin beş şagirdi buraxılış imtahanlarında maksimum nəticə göstərib.

17 Apr 2025
Cəmiyyət

Azərbaycana 16 ölkədən qızıl idxal edilib

2025-ci ilin yanvar-fevral ayları ərzində Azərbaycana 1 milyard 422.1 milyon ABŞ dolları dəyərində 15 min 868.46 kiloqram qızıl idxal edilib.

17 Apr 2025
Cəmiyyət

XI siniflərin buraxılış imtahanının nəticələri açıqlanıb, 20 nəfər maksimum bal toplayıb

Tam (11 illik) orta təhsil səviyyəsi üzrə martın 9-da keçirilən buraxılış imtahanının nəticələri elan olunub.

17 Apr 2025
Cəmiyyət

Güclü külək nəticəsində Bakıda 368 ağac sınıb, 55-i zədələnib

Bakı və Abşeron yarımadasında ardıcıl iki gün güclü küləklə müşayiət olunan leysanla bağlı şəhər kommunal xidmətləri xüsusi gücləndirilmiş iş rejimində çalışırlar.

17 Apr 2025
Cəmiyyət

Sabah hava necə olacaq? - 18.04.2025

Azərbaycan ərazisində aprelin 18-nə gözlənilən hava şəraiti haqqında proqnoz açıqlanıb.