Azərbaycan Tibb Universitetinin (ATU) rektoru, professor Gəray Gəraybəyli Beynəlxalq Universitetlər Assosiasiyasının prezidenti Kaxa Şengeliya ilə görüşüb.
ATU-nun mətbuat xidmətindən AZƏRTAC-a bildiriblər ki, Tibb Universitetində olduğundan məmnunluğunu ifadə edən K.Şengeliya, Beynəlxalq Universitetlər Assosiasiyası barədə görüş iştirakçılarına məlumat verib. Bildirilib ki, bu qurum 1965-ci ildə Birləşmiş Millətlər Təşkilatının nəzdində yaradılıb və dünyanın 200-dən çox nüfuzlu universiteti bu assosiasiyanın üzvüdür. Assosiasiyanın əsas mərkəzləri Nyu-York və Londonda yerləşir. Beynəlxalq Universitetlər Assosiasiyasının bu ilin iyulun 5-dən 8-ə kimi Avstriyanın paytaxtı Vyana şəhərində toplantısı keçiriləcək. K.Şengeliya G.Gəraybəylini də bu toplantıya dəvət edib.
G.Gəraybəyli qonağa ATU-nun fəaliyyəti, klinikaları haqqında geniş məlumat verib. Bildirdi ki, Tibb Universiteti ölkəmizdə həkim və əczaçılıq üzrə mütəxəssis hazırlayan yeganə ali təhsil müəssisidir. Universitetə ildə təxmini 1000 tələbə qəbul edilir və hazırda 7000-ə yaxın gənc burada təhsil alır. Azərbaycanın aparıcı ali ocaqlarından biri olan ATU xarici tələbələrin sayına görə ölkəmizdə ilk sırada yer tutur.
Ölkədə şəkərli diabet xəstələrinin dərmanlarla təminatında ciddi problemlər var.
Rusiyalı diyetoloq Yevgeniya Deqtyannikova qanda hemoqlobinin səviyyəsini artırmağa kömək edən bir sıra məhsullar haqqında fikirlərini bölüşüb.
İnsanlarda görmə kəskinliyi statik (stasionar) və dinamik (hərəkətli) şəraitdə kiçik detalları tanımaq qabiliyyəti ilə qiymətləndirilir.
24-26 may tarixlərində, La Roche-Posay Azərbaycanın, Аzərbaycan Dermatoveneroloqlar Assosiasiyasının, Bakı Pataloji mərkəzinin təşkilatçılığı və Zəfəran Hospitalın dəstəyi ilə “Dəri xərçənginin diaqnostikası günləri” aksiyası keçiriləcəkdir.
Hamiləlik zamanı qadının orqanizmi çox ciddi yükləmələrə məruz qalır. Qadının orqanizmində yeni həyat inkişaf edir və bu həyatın normal inkişafı üçün müxtəlif vitaminlər, mikroelementlər və s. maddələr lazımdır. Hamiləlik zamanı hətta bir vacib vitaminin və ya mikroelementin çatışmazlığı həm uşağın inkişafına, həm də qadının səhhətinə mənfi təsir edir. Məsələn, uşağın sümüklərinin formalaşmasına və böyüməsinə çoxlu miqdarda kalsium elementi lazımdır. Bu element ananın orqanizminə lazım olan miqdarda daxil olmadıqda, körpədən çox ana əziyyət çəkir. Körpə ananın orqanizmindən özünə lazım olan kalsiumu sovurur ki, bunun nəticəsində ananın dişlərindən, sümüklərindən, saçlarından kalsium yuyulur. Məhz bu səbəbdən qadının orqanizmində hamiləlikdən öncə kalsium defisiti varsa və ya hamiləlik zamanı lazım olan miqdarda kalsium qəbul etmirsə, o zaman qadınlarda dişlər ovulmağa başlayır, saçlar tökülür, ayaqlarda qıcolmalar olur.
