Telekommunikasiya qovşaqları və poçt şöbələrinin əməkdaşları üçün təlimlər keçirilir

Telekommunikasiya qovşaqları və poçt şöbələrinin əməkdaşları üçün təlimlər keçirilir
14 Dek 2016 10:00

Telekommunikasiya qovşaqları və poçt şöbələrində vətəndaşlarla ünsiyyətdə olan əməkdaşlar üçün Rabitə və Yüksək Texnologiyalar Nazirliyinin (RYTN) Elektron Hökumət Təlim-Tədris Mərkəzində təlimlər keçirilir.

Nazirlikdən AZƏRTAC-a bildirilib ki, təlimlərdə xidmət sahəsində çalışan əməkdaşların elektron xidmətlərdən istifadəsinə dair biliklərinin artırılması nəzərdə tutulur. Buraya cəlb olunan əməkdaşların əldə etdikləri biliklər onların elektron xidmətlər üzrə vətəndaşların müraciətlərini daha dolğun cavablandırmalarını təmin edəcək.

Təlimlər Elektron Hökumət Təlim-Tədris Mərkəzinin Bakıdakı əsas tədris binasında və telekonfrans vasitəsilə Sumqayıt, Gəncə, Mingəçevir, Lənkəran, Bərdə, Qazax, Qəbələ, Göyçay, Şamaxı, Şirvan, Şəki, Qusarda yerləşən regional tədris mərkəzlərində təşkil ediləcək. Ümumilikdə təlimlərə 250-yə yaxın əməkdaşın cəlb edilməsi nəzərdə tutulur.

RYTN-in Məlumat Hesablama Mərkəzinin, habelə Əmək və Əhalinin Sosial Müdafiəsi Nazirliyinin əməkdaşlarının ekspert qismində iştirak etdikləri təlimlərdə “Elektron hökumət” portalından istifadəyə dair mühüm təlimatlar verilir.

Elektron Hökumət Təlim-Tədris Mərkəzi tərəfindən elektron xidmətlər üzrə əməkdaşların təlimatlandırılması və əhalinin maarifləndirilməsi məqsədilə təlimlər mütəmadi təşkil olunur.


23 Fev 2024
Siyasət

Nazir: “Sumqayıt Kimya Sənaye Parkının rezidentlərinin sayı 40-a çatıb” - FOTO

“Azermirror” MMC-yə Sumqayıt Kimya Sənaye Parkının rezidenti statusu verilib.

23 Fev 2024
Siyasət

Emin Əmrullayevdən yüksək vəzifənin icrası ilə bağlı ƏMR - FOTO

Fevralın 23-də elm və təhsil naziri Emin Əmrullayevin müvafiq əmri ilə, Bakı Şəhəri üzrə Təhsil İdarəsinin (BŞTİ) müdiri vəzifəsi Məktəbəqədər və Ümumi Təhsil üzrə Dövlət Agentliyinin direktor müavini Nərminə Hüseynovaya həvalə olunub.

23 Fev 2024
Siyasət

İlham Əliyev Yaponiya İmperatorunu təbrik etdi

Azərbaycan Respublikasının Prezidenti İlham Əliyev Yaponiyanın İmperatoru Əlahəzrət Naruhitoya təbrik məktubu ünvanlayıb. 

23 Fev 2024
Siyasət

Ceyhun Bayramov Toivo Klaar ilə görüşüb

Azərbaycan Respublikasının xarici işlər naziri Ceyhun Bayramov Avropa İttifaqının Cənubi Qafqaz üzrə xüsusi nümayəndəsi Toivo Klaarı qəbul edib.

23 Fev 2024
Siyasət

Biləsuvarda əkin sahəsində “Kalaşnikov” avtomatı aşkarlanıb - FOTO

Biləsuvar rayonunun Yuxarı Ağalı kəndi ərazisindəki əkin sahəsinin yaxınlığından silah-sursat tapılması barədə polisə məlumat daxil olub.