Təhsil Nazirliyi: Bu, 5 yaşlılar üçün tətbiq edilməməlidir

Təhsil Nazirliyi: Bu, 5 yaşlılar üçün tətbiq edilməməlidir
17 2017 14:28

Məktəbəhazırlıq qruplarında işə cəlb edilmiş müəllimlər ibtidai siniflərdəki iş metodikasını heç bir halda 5 yaşlılarla işin təşkilinə tətbiq etməməlidirlər.

Trend-in məlumatına görə, bunu Təhsil Nazirliyinin Təhsil İşçilərinin Peşəkar İnkişafı İnstitutunun direktor vəzifəsini icra edən, əməkdar müəllim Vəfa Yaqublu deyib.

Onun sözlərinə görə, bu yaşda uşaqların fiziki, emosional, intellektual səviyyəsi 6-7 yaşlı uşaqlardan fərqlidir: “Alimlər sübut edirlər ki, erkən dövrlərdə nəinki il, hətta ay fərqi inkişafın müxtəlif səviyyələrindən xəbər verir. Odur ki, 6 yaşlılarla iş üsulu 5 yaşlılarla çox zaman yaramır”.

V.Yaqublu qeyd edib ki, məktəbəhazırlıq qruplarındakı məşğələlər I sinif proqramını əks etdirməməlidir: "Bu məşğələlərin vəzifəsi uşağı məktəbə fiziki, intellektual və psixoloji cəhətdən hazırlamaqdır. Fiziki hazırlıq 5 yaşlıların həm də bədən-kinestetik intellektinin inkişaf etdirilməsində vacib rol oynayır. Təbiətən fiziki cəhətdən fəal olan uşaqları bu fəallıq vasitəsilə öyrətmək lazımdır. Bir çox oyunlar var ki, onların didaktik əhəmiyyəti göz qabağındadır. Məsələn, gizlənpaç oynayan uşaqlarda hərəki qabiliyyətlər inkişaf edir, onlar düzgün və cəld qərar verməyi öyrənirlər, strategiya qurmağın əlifbasına bələd olurlar, rəngarəng hisslər (qələbə sevinci, təəccüb, həyəcan, məğlub olma kədəri və s.) keçirirlər. Müəllimin rəhbərliyi ilə aparılan belə oyunların didaktik əhəmiyyəti oyundan əvvəl, oyun zamanı və oyundan sonra müəllimin verdiyi təlimatlar və suallar vasitəsilə qabarır”.

V.Yaqublu qeyd edib ki, Nazirlər Kabinetinin 11 iyul 2016-cı il tarixli 271 nömrəli qərarı ilə cari dərs ilindən etibarən ümumtəhsil məktəblərində dövlət vəsaiti hesabına 5 yaşlıların məktəbəhazırlıq qruplarında təhsili həyata keçirilməyə başlanılıb. Artıq bu dərs ilində 76000-dən çox uşaq məktəbəhazırlıq qruplarında təhsil alır.

V.Yaqubli əlavə edib ki, ötən ilin noyabr-dekabr aylarında institutun Keyfiyyətə nəzarət və monitorinq şöbəsi Bakı, Sumqayıt və Abşeronun 35 ümumtəhsil məktəbində məktəbəhazırlıq qruplarının işini monitorinq edib: "Monitorinqin məqsədi təlim proqramını qiymətləndirmək, mövcud nöqsanları vaxtında aşkar etmək, gələn il üçün proqramı təkmilləşdirməkdən ibarət idi. Yaxşı göstərici budur ki, məktəbəhazırlıq qruplarına maraq böyükdür - valideynlər uşaqlarını həvəslə məktəbə gətirirlər. Məktəblərimizdə 5 yaşlılarla iş metodikasını dərindən bilən mütəxəssislər də var. Aşkarlanmış nöqsanları isə şərti olaraq 3 qrupa bölə bilərik. Bunlar müəllimlərin 5 yaşlı uşaqları məktəbə fiziki, intellektual və psixoloji müstəvidə hazırlamaqda üzləşdikləri problemlərdir”.


25 Yan 2022
Cəmiyyət

Səbuhi Mehdizadə: “Stolüstü tennisin inkişafı məqsədilə xüsusi strategiya hazırlanır”

Son illər Azərbaycanda sürətlə inkişaf etdirilən idman növlərindən biri də stolüstü tennisdir

25 Yan 2022
Cəmiyyət

Baş nazirdən şəhərdaxili hərəkətlə bağlı QƏRAR

“Şəhərdaxili hərəkət (mobillik) planının hazırlanması Qaydası” təsdiq edilib.

25 Yan 2022
Cəmiyyət

Azərbaycanla İsveçrə arasında diplomatik münasibətlərin qurulmasından 30 il ötür - FOTO

Azərbaycanla İsveçrə Konfederasiyası arasında diplomatik münasibətlərin qurulmasından 30 il ötür.

25 Yan 2022
Cəmiyyət

Azərbaycanlılara qarşı cinayət törədən 297 erməni axtarışa verilib

“Qanunsuz erməni silahlı birləşmələrinin üzvləri tərəfindən azərbaycanlılara qarşı törədilmiş sülh və insanlıq əleyhinə, habelə müharibə cinayətləri ilə əlaqədar Hərbi Prokurorluqda istintaq edilən cinayət işi üzrə bu günə kimi 297 şəxs barəsində Cinayət Məcəlləsinin 103-cü (soyqırım), 113-cü (işgəncə), 115-ci (müharibə qanunlarını və adətlərini pozma), 116-cı (silahlı münaqişə zamanı beynəlxalq humanitar hüquq normalarını pozma) və s. maddələri ilə təqsirləndirilən şəxs qismində cəlb etmə qərarları çıxarılaraq axtarışları elan edilib”.

25 Yan 2022
Cəmiyyət

COVID-19-a yoluxan şagirdlərin sayı məlum olub

Yanvarın 23-nə olan məlumata görə ölkədə fəaliyyət göstərən ümumtəhsil müəssisələrində oxuyan 161 şagird koronavirusa yoluxub.