Təcili yardım maşınlarına yol verməyənlərə qarşı TƏDBİR

Təcili yardım maşınlarına yol verməyənlərə qarşı TƏDBİR
06 2017 15:00

Bakıda təcili yardım maşınlarının həm salonlarında, həm də önündə kameraların quraşdırılması nəzərdə tutulur.

Trend-in məlumatına görə, bunu Səhiyyə Nazirliyi Bakı Şəhər Təcili və Təxirəsalınmaz Tibbi Yardım Stansiyasının baş həkiminin müavini Murad Mirzəzadə bu gün keçirdikləri hesabat xarakterli tədbirdə deyib.

Onun sözlərinə görə, bəzən yollarda digər maşınlar tərəfindən təcili yardım maşınlarına yolun verilməməsi çağırış yerlərinə yubanma ilə çatmağa səbəb olur:

"Stansiya bunu nəzərə alaraq, Səhiyyə Nazirliyinə və Bakı şəhər Baş Polis İdarəsinə təkliflər göndərilib. Təkliflərdə təcili yardım maşınlarının qarşısında kameranın quraşdırılması, onların onlayn rejimdə işləməsi, zəruri və ehtiyac yarandığı halda təcili yardım maşınına yol verməyən maşının nömrəsinin qeydə alınaraq Bakı şəhər Baş Polis İdarəsinə göndərilməsi öz əksini tapıb. Bundan sonra Bakı şəhər Baş Polis İdarəsi tərəfindən hansısa tədbirlər görülə bilər".

M.Mirzəzadə qeyd edib ki, artıq təcili yardım maşınlarına yol verməyən maşın sahiblərinə qarşı hansısa cəzanın verilməsi və ya xəbərdarlığın olunmasını Bakı şəhər Baş Polis İdarəsi müəyyənləşdirməlidir.

M.Mirzəzadə deyib ki, bəzən əhali tərəfindən həkimlərə, orta tibb işççilərinə xəstəyə lazımi yardımın göstərilməməsi iddiası ilə təzyiq edilir. Belə halların qarşısını almaq üçün təcili yardım maşınlarının salonlarında kameraların quraşdırılması nəzərdə tutulur. Həmin kamera vasitəsilə həkimin xəstəyə necə yardım göstərməsi və digər hallar qeydə alınacaq:

"Əgər narazı hallar olarsa, kamera görüntülərinə baxılacaq, bu hallar araşdırılacaq. Bəzən evdə də həkimlərə və orta tibb işçilərinə təzyiqlərin olması halları baş verir. Lakin təcili tibbi yardım maşınları dövlətin mülkiyyəti olduğu üçün yalnız burada kameraların quraşdırılması mümkündür. Amma hansısa evdə kamera çəkilişlərin aparılması mümkün deyil".

M.Mirzəzadə deyib ki, təcili yardım maşınları üçün avtomobil yollarında əlavə zolaqların salınması müvafiq qurumlar tərəfindən verilə bilər. Lakin bu səlahiyyətlər təcili yardıma aid deyil.


9 İyun 2023
Cəmiyyət

Metro işçilərinin maaşları 15 % artırılıb

“Bakı Metropoliteni” QSC-nin işçilərinin maaşları 15 % artırılıb.

9 İyun 2023
Cəmiyyət

“Bəyin oğurlanması”nın “İsabala”sının anım günüdür - VİDEO

Bu gün kino rejissoru, aktyor və Azərbaycanın Xalq artisti Ramiz Əzizbəylinin anım günüdür.

9 İyun 2023
Cəmiyyət

Bakı metrosunun stansiya və tunellərində ventilyatorlar yay rejiminə keçirilib

"Bakı Metropoliteni" QSC-nin stansiy və tunellərində ventilyasiya sisteminin iş rejimi yay qrafikinə keçirilib.

9 İyun 2023
Cəmiyyət

Parlament müəllimlərin sertifikasiyası ilə bağlı dəyişikliyi qəbul edib

Məktəbdə ilk dəfə işə qəbul olunan müəllimlərin sertifikasiyadan azad olma müddəti 5 ildən 3 ilə endirilir.

9 İyun 2023
Cəmiyyət

Pirşağıda qamışlıq sahə yanır

Pirşağı qəsəbəsində qamışlıq sahə yanır.