TAP-ın inşası üzrə indiyədək Yunanıstan və Albaniyada boruların 129 kilometri qaynaqlanıb

TAP-ın inşası üzrə indiyədək Yunanıstan və Albaniyada boruların 129 kilometri qaynaqlanıb
10 2017 11:36

Azərbaycan təbii qazının Avropaya nəqlini nəzərdə tutan “Trans-Adriatik” (TAP) qaz boru kəməri üzrə indiyədək Yunanıstan və Albaniyada boruların 129 kilometri qaynaq edilib.

AZƏRTAC xəbər verir ki, bu barədə TAP-ın “twitter” səhifəsində məlumat verilir. Bildirilir ki, bu vaxtadək Yunanıstan və Albaniya TAP boru kəməri marşrutu boyunca 244 kilometr ərazi təmizlənib, 166 kilometr borular xətt üzrə düzülüb və boruların 129 kilometri qaynaqlanıb.

Qeyd edək ki, TAP-ın təməli keçən il mayın 17-də Yunanıstanın Saloniki şəhərində qoyulub. “Trans-Adriatik” qaz boru kəmərinin tikintisi üzrə işlərin təxminən 32 faizi icra olunub.

Xəzər dənizinin Azərbaycan sektorundakı “Şahdəniz-2” yatağından hasil olunacaq qazın Avropaya daşınmasını təmin edəcək TAP-ın ilkin ötürücülük qabiliyyəti ildə 10 milyard kubmetr olacaq və bu həcmin gələcəkdə 20 milyard kubmetrədək artırılması nəzərdə tutulur. Boru kəmərinin uzunluğu 871 kilometr (Yunanıstan – 547 kilometr, Albaniya – 211 kilometr, Adriatik dənizi – 105 kilometr, İtaliya – 8 kilometr), diametri isə 48 düymdür (sualtı hissə - 36 düym). 2020-ci ilədək layihə üzrə Azərbaycan şirkətlərinin xərclərinin 1,2 milyard dollar olması gözlənilir. TAP üzrə tələb olunan kapital xərcləri 5 milyard dollardır. Boru kəmərinin 2020-ci ildə istismara verilməsi nəzərdə tutulur.

TAP-ın inşasında ümumilikdə 53 mindən çox borudan istifadə olunacaq. Boru kəmərinin Yunanıstan hissəsində 32 min, Albaniya hissəsində 12 min, Adriatik dənizi hissəsində 8 min 750, İtaliya hissəsində isə 660 borudan istifadə ediləcək. Boruların ümumi çəkisi 526 min tondur. Bunun da Albaniya hissəsində 126 min tonu, Yunanıstanda 323 min tonu, dəniz hissəsində 72 min tonu, İtaliyada isə 5 min tonu istifadə olunacaq.

TAP-ın səhmdarları belədir: BP (20 faiz), SOCAR (20 faiz), “Snam S.p.A.” (20 faiz), “Fluxys” (19 faiz), “Enagás” (16 faiz) və “Axpo” (5 faiz).


23 Okt 2020
İqtisadiyyat

Ermənistanın son təxribatları Nəqliyyat nazirinin İran səfiri ilə görüşündə müzakirə olunub

Nəqliyyat, Rabitə və Yüksək Texnologiyalar naziri Ramin Quluzadə ilə İran İslam Respublikasının ölkəmizdəki səfiri Seyid Abbas Musəvi arasında görüş keçirilib.

23 Okt 2020
İqtisadiyyat

Mikayıl Cabbarov Latviyanın Azərbaycandakı səfiri ilə görüşüb - FOTO

İqtisadiyyat naziri Mikayıl Cabbarov Latviyanın Azərbaycandakı səfiri Daynis Qarançs ilə görüşüb.

23 Okt 2020
İqtisadiyyat

Növbəti illərdə təbii qazın qiyməti artacaq - Proqnoz

Dünya Bankı növbəti illərdə təbii qaz qiymətləri ilə bağlı proqnozunu açıqlayıb.

23 Okt 2020
İqtisadiyyat

Mikayıl Cabbarov İran rəsmisi ilə Xudafərini müzakirə etdi - FOTO

İqtisadiyyat naziri Mikayıl Cabbarov İranın Azərbaycandakı səfiri Seyid Abbas Musəvi ilə görüşüb.