"Azərbaycanda yol-nəqliyyat hərəkəti qaydalarını pozan sürücülərə yazılan cərimələrin ödəniş terminalları vasitəsilə ödənilməsi zamanı ödənişin Baş Dövlət Yol Polisi İdarəsinin (BDYPİ) elektron sisteminə daxil olmasında gecikmələr yaranır".
Milli.Az xəbər verir ki, bunu report-a açıqlamasında gecikmələrin yaratdığı problemlərdən əziyyət çəkən sürücülər deyiblər.
Onlar qeyd ediblər ki, ödəniş terminal vasitəsilə ödənilən cərimələrin sistemə oturması üçün BDYPİ-yə gedərək, ödəniş barədə qəbzi təqdim edirlər, ərizə yazaraq cəriməni ödədiklərini yazılı formada DYP əməkdaşının diqqətinə çatdırmaq məcburiyyətində qalırlar.
Daxili İşlər Nazirliyi Baş Dövlət Yol Polisi İdarəsinin İctimaiyyətlə əlaqələr şöbəsinin rəisi, polis polkovniki Kamran Əliyev "Report"a bildirib ki, problem ödəniş terminallar vasitəsilə həyata keçirilən ödənişlərin bank vasitəsilə sistemə köçürülməsi ilə bağlıdır. Onun sözlərinə görə, terminallar vasitəsilə olunan ödəniş bir neçə gün, bəzən daha çox vaxtdan sonra təyinatı üzrə hesaba köçürülür və bu səbəbdən də Baş Dövlət Yol Polisi İdarəsinin sisteminə gecikmə ilə daxil olur.
K.Əliyev deyib ki, bu məsələ bir sıra hallarda sürücü ilə yol-patrul xidməti əməkdaşları arasında problemə səbəb olur: "Sürücünün cərimə məbləğini ödədiyi haqqında qəbzinin olmasına baxmayaraq, Dövlət Yol Polisinin sistemində cərimə məbləği ödənilməmiş kimi göstərilir. Bu, ödəniş terminalların bəzən onlayn ödəniş sistemi ilə ayaqlaşmaması səbəbindən baş verir".
Yol təhlükəsizliyi məsələləri üzrə ekspert Ərşad Hüseynov "Report"a bildirib ki, ödəniş terminallar vasitəsilə ödənilmiş cərimələrin BDYPİ-nin sisteminə gecikmə ilə çatmasının iki səbəbi ola bilər: "Birincisi, bank, poçt, və ya ödəmə terminallarından ödəniş həyata keçirilərkən texniki problem yaranır. İkincisi isə, elektron informasiyanın dövriyyəsində olan çatışmazlıqdır. Yəni, yolda qayda pozunutusunu qeydə alan MMX və ya kameralar mərkəzə informasiya ötürsə də, bank sistemindən gələn məlumatlar gecikir".
Ə.Hüseynov qeyd edib ki, bəzən sürət həddinin aşılmasına görə elektron protokol tərtib edilir, lakin şəxsə bildiriş gəlmir: "Avropa ölkələrində qayda pozuntusu aşkar edildikdən 4 dəqiqqə sonra sürücü cərimə ödəyə bilir. Azərbaycanda isə bu sistem hələ də işləmir".
Yunanıstan parlamenti namizədliyi Baş nazir Kiriakos Mitsotakis tərəfindən irəli sürülən qanunverici orqanın keçmiş sədri Kostas (Konstantinos) Tasulası prezident seçib.
"Biz Azərbaycan Prezidenti İlham Əliyevə, energetika və xarici işlər nazirinə Rusiyanın hücumlarından sonra enerji sistemimizin bərpası üçün ehtiyac duyduğumuz humanitar yardıma görə təşəkkür edirik".
Yaponiyada güclü qar yağması səbəbindən 1600-dən çox sərnişin gecəni Hokkaydo adasının hava limanında keçirməyə məcbur olub.
